IMG-LOGO

ක්‍රෙඩිට් කාඩ් ලක්ෂ 5කින් මුදල් වංචා කළ අයෙක් මාට්ටු

(ඉන්දිකා  රාමනායක)

අන්සතු ක්‍රෙඩිට් කාඩ්පත් ලක්ෂ 5ක දත්ත අනවසරයෙන් ගබඩා කරගෙන ඒවා උපයෝගී කරගනිමින් රුපියල් ලක්ෂ ගණනින් භාණ්ඩ මිලදී ගත් 18 තරුණයකු  පරිගණක අපරාධ විමර්ශන කොට්ඨාශය මගින් අත්අඩංගුවට ගෙන ඇති බව පොලිසිය පවසයි.

මෙම සැකකරු කාඩ්පත් 90ක් භාවිතා කරමින් රුපියල් ලක්ෂ 55ක භාණ්ඩ මිලදී ගෙන ඇති බවට අන්තර්ජාලය හරහා භාණ්ඩ බෙදාහැරීමේ ආයතනයක් මඟින්  ඉකුත්  4 වැනි දින පරිගණක අපරාධ විමර්ශන කොට්ඨාශයට කර පැමිණිල්ලකට අනුව විමර්ශන පවත්වා පෙරේදා (5) කුරුණෑගල දුම්මලසූරිය ප්‍රදේශයේ දී මෙම සැකකරු අත්අඩංගුවට ගෙන ඇත.

සැකකරු  සමාජ ජාලය හරහා සමූහයක් වශයෙන් එක්වී අන්සතු ක්‍රෙඩිට් කාඩ්පත්වල දත්ත අනවසරයෙන් ගබඩා කරගෙන මෙම ජාවාරම සිදු කර ගෙන ගොස් ඇති බවද පොලිසිය සඳහන් කරයි.

සැකකරුගේ පරිගණකය පරික්ෂා කිරීමේදී එහි අන්සතු ලක්ෂ 5ක දත්ත ගබඩා කර ඇති බවත්, දත්ත උපයෝගී කරගෙන මොහු අන්තර්ජාලය හරහා විවිධ භාණ්ඩ භාන්ඩ ඇනවුම් කර ඇති බවද පොලිසිය සඳහන් කරයි.

පරිගණක, කැමරා, විවිධ ආහාර ද්‍රව්‍ය, මත්පැන් මදි භාණ්ඩ රැසක් ම මොහු විසින් වරින් වර ගෙන්වාගෙන ඇති බව ද පොලිසිය තොරතුරු හෙළි කරගෙන ඇත.

දිවයිනේ විවිධ ප්‍රදේශවලට ගොස් මෙම භාණ්ඩ භාන්ඩ ඇනවුම් කර ඇති බවත්, ගෙන්වාගැනීමට ද අතරමැදි ස්ථාන තෝරාගෙන ඇති බව ද බවද පොලිසිය සඳහන් කරයි.

18 හැවිරිදි මෙම තරුණයා සාමාන්‍ය පෙළ විභාගය අසමත් පුද්ගලයෙකු බවත්, කුලී වැඩ කරමින් දුරකථනයක් මිළ දී ගෙන, ඒ ඔස්සේ අන්තර්ජාලයට පිවිසීමෙන් මෙම වංචාවට පිවිස ඇතැයිද පොලිසිය තොරතුරු හෙළි කරගෙන ඇත.

මෙම සිද්ධිය සම්බන්ධයෙන් මොහු සමග සම්බන්ධතා පැවැත්වූ පිරිසක් අත්අඩංගුවට ගැනීම සඳහා පොලීසිය විමර්ශන ආරම්භ කර ඇත.

පරිගණක අපරාධ විමර්ශන කොට්ඨාශය අධ්‍යක්ෂ ජ්‍යෙෂ්ඨ පොලිස් අධිකාරී ලකී රන්දෙණිය මහතාගේ අධීක්ෂණය යටතේ, සහකාර පොලිස් අධිකාරී ඩබ්ලිව් පී ජයනෙත්ති මහතාගේ උපදෙස් මත, සමාජ ජාලා අපරාධ විමර්ශන අංශයේ ස්ථානාධිපති පොලිස් පරීක්ෂක ගයාශ්‍රි  මහතාගේ මෙහෙයවීමෙන්  ,එහි විමර්ශන නිලධාරීන් වන මහේෂ් කලුගල්ල, බී රංග බණ්ඩාර, චාරුක පැතුම්  ජයවර්ධන , තරිඳු දිව්‍යංජල, අශෝක යන මහත්වරුන් පරීක්ෂණ පවත්වා මෙම සැකකරු අත්අඩංගුවට ගත්හ.



අදහස් (2)

ක්‍රෙඩිට් කාඩ් ලක්ෂ 5කින් මුදල් වංචා කළ අයෙක් මාට්ටු

gunda Saturday, 07 January 2023 10:42 PM

මේ ළමයා දෙස විමසිලිමත්ව ධනාත්මකව බලන්න. අවුරුදු 18 යි. සාමාන්‍ය පෙළ වැඩ දෙකයි සමත්. කුලී වැඩ කරන අයෙක්. මෙයා කර තිබෙන්නේ තද බලවරදක් තමයි. හොරකම් කර තිබෙන්නේ ලක්ෂ 5ක් පමණ. ඊට සුදුසු දඩුවමක් දෙන්න. හැබැයි නමුත් මේ ළමයා විනසා කරන්න එපා. මෙයා වටිනා නිර්මාණශීලී රටට වැදගත් සේවයක් ලබා ගැනීමට යොමු කළ හැකි ළමයෙක්. හිතන්න අවුරුදු 18 ක දුප්පත් දරුවෙක් පරිගණක තාක්ෂණයෙන් කොපමණ ඉදිරියකට කාගෙන්වත් මග පෙන්වීමක් නොමැතිව ස්වයන් අධ්‍යයනයක් මගින් ගොස් තිබෙයිද කියා. හොඳ විනියක් ඇතිව මේ දරුවා ලස්සනට හදන්න පුළුවන් ජාතික නිර්මාණකරුවෙක් විදියට. එම නිසා වරදට දඩුවම් දෙන අතරම මොහු නැවත එවැනි දුරමාර්ගයකට යාමට ඉඩ නොදී කුමන හෝ විදියකින් පුනුරුත්තාපනය කර දිදුලන මලක් කරන්න. එසේ කළ හැකියි.

:       0       3

Lalith M Sunday, 08 January 2023 09:36 PM

මොහුගේ නිර්මාණශීලී බව ප්‍රයෝජනයට ගන්න. අපරාධය පිළිබඳව වෙනම හිතන්න ඕන. අති දක්ෂ පුද්ගලයෙක්...

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

’’හරිත සරසවියක අසිරිය විඳගන්න”  NSBM Open Day මැයි 17 සහ 18 හරිත සරසවි පරිශ්‍රයේ දී 2025 මැයි මස 15 38 0
’’හරිත සරසවියක අසිරිය විඳගන්න” NSBM Open Day මැයි 17 සහ 18 හරිත සරසවි පරිශ්‍රයේ දී

NSBM හරිත සරසවිය මැයි 17 සහ 18 යන දෙදින පවත්වන ’’NSBM Open Day’’ සමඟ මහජන ප්‍රදර්ශනය සඳහා විවෘත වේ.

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 1579 2
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1701 4
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

Our Group Site