(ගයාන් සූරියආරච්චි)
පුද්ගලයකුගේ යටි හනුව පසාරුකර ගෙන මුඛයෙන් මතුවූ යකඩ කම්බියක් සාර්ථක සැත්කමකින් පසු ඉවත් කිරීමට හැකිවූ බව හෝමාගම රෝහලේ විශේෂඥ ශල්ය වෛද්ය ධම්මික වික්රමසේකර මහතා පැවැසීය.
ඉදිකෙරන ගොඩනැගිල්ලක ඉහළ කොන්ක්රීට් තට්ටුවක් මතින් බිමට බැසීමට යාමේදී පය ලිස්සා වැටී මෙම අනතුර සිදුවී තිබේ. පසුව අසල්වැසියන් එකතුවී කොන්ක්රීට් කම්බිය කපා ඉවත්කර ඔහු හෝමාගම රෝහලට රැගෙන එනු ලැබීය.
පැය 1 1/2 ක පමණ ශල්යකර්මයකින් අනතුරුව රෝගියාගේ ජීවිතය බේරාගැනීමට හැකිවී තිබේ. රෝහලේ විශේෂඥ ශල්ය වෛද්ය ධම්මික වික්රමසේකර මහතාගේ ප්රධානත්වයෙන් වෛද්ය චානක රාජපක්ෂ සහ කවින්ද නාගොඩවිතාන ජ්යෙෂ්ඨ වෛද්ය නිලධාරීන්ද, නිර්වින්දන වෛද්යවරුන් වන වෛද්ය ඉමල්කා, වෛද්ය බුද්ධි ඇතුළු දිලිනි, අනූෂා යන හෙද නිලධාරිනියන්ගේ සහයෝගය ඇතිව මෙම සැත්කම සිදු කෙරිණි.
මේවන විට ඔහු දැඩි සත්කාර ඒකකයේ ප්රතිකාර ලබන අතර සුව අතට පත්වෙමින් සිටින බව විශේෂඥ වෛද්ය වික්රමසේකර මහතා පැවැසීය.
COMMENTS
Reply To:
Sisira - cb chds hcdsh cdshcsdchdhd
මෙවැනි ප්රවෘත්ති පල කරන විට දොස්තවරුන්ගේ නම් සඳහන් නොකරනවා නම් හොඳයි. එවිට මහනුවර හදවත් සැත්කම අදාළ කිරීම වැනි දේවල් කිරීමට නම සඳහන් නොවුණ දොස්තරවරු පෙළඹෙන්නේ නැත.
මේ පුද්ගලයට ඉක්මන් සුව ප්රාර්ථනා කරනවා. දුප්පත් මනුස්සයෙක් විය යුතුයි. ඔහුගේ පවුලේ සැමටත් ඉදිරියේ ඇතිවන ගැටළු වලට සාර්ථකව මුහුණදීමට වාසනා ධෛර්යය ලැබේවා. මොහුගෙ ජීවිතය රැකගැනීමට දායක වුනු සියළු දෙනාට පිං.
දොස්තරලා කුහකයිලු. හැබැයි මැරෙන්න යද්දි දොස්තර මහත්තයෝ මාව බේර ගනියෝ කියල කෑ ගහනවලු. බේරගත්තට පස්සෙ දොස්තර මාව මරන්න හැදුවෝ කියලත් කෑ ගහනවලු. මාර ජාතියක් නේද?
මෙම බැරෑරුම් සැත්කම කල ප්රධානශල්ය වෛද්ය තුමා ඇතුළු සියලුම වෛද්ය වරුන් සහ අනෙකුත් නිලධාරීන්ට අපගේ කෘතවේදී ප්රණාමය හිමිවේව!.
දොස්තරලා බහුතරයක් ඉතා හොඳයි..... ඒ අයගේ නමත් නිකම් කැත වෙනවා අර සුළු දොස්තරලා පිරිසක් දේශපාලනයේ එල්ලිලා තමන්ගේ වාසියට ජනතාවට වධ දෙන නිසා. අර වෛද්ය සිසුන් වත් නාස්ති කරනවා.