(රොමේෂ්  ධනුෂ්ක සිල්වා )

දේශීය මැණික් කර්මාන්තය වෙනුවෙන් තම ජීවිතය කැප කරන පතල් කැනීම් ශිල්පීන් සහ මැණික් නිර්මාණ ශිල්පීන් සඳහා විශේෂ ජීවිත රක්ෂණාවරණයක් සහ විශ්‍රාම වැටුප් ක්‍රමයක් ලබා දීමේ වැඩසටහනක් ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කොළඹ සිරිමාවෝ බණ්ඩාරනායක අනුස්මරණ සම්මන්ත්‍රණ ශාලාවේදී අද (31) පැවැත්විණ.

 ‘රත්නාභිමානි උපහාර ’  ලෙස මෙය නම් කර තිබූ අතර රත්නපුර දිස්ත්‍රික්කයේ මැණික් කර්මාන්තයේ යෙදෙන තෝරාගත් කිහිපදෙනෙකු වෙත මෙහිදී ජනාධිපතිවරයා විසින් සංකේතවත් ලෙස ජීවිත රක්ෂණාවරණයක් සහ විශ්‍රාම වැටුප් සහතික ලබා දෙන ලදී.

මෙම සංකල්පය හඳුන්වා දුන් රත්නපුර දිස්ත්‍රික් පාර්ලි‌‌මේන්තු මන්ත්‍රී නියෝජ්‍ය අමාත්‍ය කරූ පරණවිතාන , අමාත්‍ය මහින්ද අමරවීර යන මහත්වරුද මෙම අවස්ථාවට එක්වූහ.

උත්සවය අවසානයේ ජනාධිපතිවරයා සිරිමාවෝ බණ්ඩාරනායක අනුස්මරණ සම්මන්ත්‍රණ ශාලා පරිශ්‍රයේම අද ආරම්භ කෙරුණු ජාත්‍යන්තර මැණික් හා ස්වර්ණාභරණ ප්‍රදර්ශනයද නැරඹීය.