දිවි පරදුවට තබා ගංගා තරණය කළ අයට ග්‍රාමීය පාලම්

ඒ දඬු, වැල් පාලම් හා කුඩා පාලම් වෙනුවට ග්‍රාමීය පාලම් ඉදිකිරීමේ ව්‍යාපෘතියේ පළමු අදියරේ සමාරම්භක උත්සවය ග්‍රාමීය මාර්ග හා අවශේෂ යටිතල පහසුකම් රාජ්‍ය අමාත්‍ය නිමල් ලාන්සා මහතාගේ ප්‍රධානත්වයෙන් අද(01) රත්නපුර දිස්ත්‍රික්කයෙන් ආරම්භ කෙරිණි.

ඒ අනුව කුඩා වැවිලි භෝග වගා සංවර්ධනය, ආශ්‍රිත කර්මාන්ත හා අපනයන ප්‍රවර්ධන රාජ්‍ය අමාත්‍ය ජානක වක්කුඹුර මහතාගේ ඉල්ලීමකට අනුව, මාර්ග සංවර්ධන අධිකාරියේ අධීක්ෂණය යටතේ, රත්නපුර දිස්ත්‍රික්කයේ කලවාන හපුගොඩ පාලමේ ඉදිකිරීම් කටයුතු ඇරඹිණි.

මෙම ග්‍රාමීය පාලම් ව්‍යාපෘතියේ පළමු අදියර රත්නපුර, බදුල්ල, කෑගල්ල සහ කුරුණෑගල දිස්ත්‍රික්ක කේන්ද්‍ර කරගෙන ක්‍රියාත්මක වේ.

මෙම පාලම් ව්‍යාපෘතිය ක්‍රියාත්මක කිරීම සඳහා කුඩා පාලම් යෝජනා 5,000 කට අධික ප්‍රමාණයක් අමාත්‍යාංශය වෙත ලැබී ඇති බවද, ඉදිරි වසර 4ක කාල සීමාව තුළ මෙම පාලම් අවශ්‍යතා සපුරාලීම රජයේ අපේක්ෂාව බවද රාජ්‍ය අමාත්‍ය නිමල් ලාන්සා මහතා වැඩිදුරටත් පැවසීය.

මෙම අවස්ථාවට ප්‍රාදේශීය දේශපාලන අධිකාරියේ නියෝජිතවරු, ශ්‍රී ලංකා පොදුජන පෙරමුණේ ඉංජිනේරු සංගමයේ නියෝජිතවරු, මාර්ග සංවර්ධන අධිකාරියේ නිලධාරීහු සහ ගම්වාසීහු සහභාගී වී සිටියහ.

අදහස් (7)

දිවි පරදුවට තබා ගංගා තරණය කළ අයට ග්‍රාමීය පාලම්

සමිත සේනක අලුත්ගමගේ. Thursday, 01 October 2020 05:52 PM

කවුරු කළත් හොඳ වැඩේට අප හොඳයි කියනවා. දේශපාලන කුහකකම් අප ළඟ නැහැ. මෙතුමා මේ කරන වැඩේ ඉතාමත්ම හොඳයි. එය අගේ කළ යුතුයි. එමෙන්ම, මාතර දිස්ත්රික්කයේ නෙළුව මොරවක ඇතුළු අවට ප්‍රදේශවල හා දෙනියාය හා අවට ප්‍රදේශවල මිනිස්සුන්ට යෑමට හෝ නොහැකි කුඩා පාලම් ඒ දඬු ආදිය තිබෙනවා. අන්න ඒ අසරණ මිනිස්සුන්ට මෙවැනි අලුතෙන් පාලම් ඉදිකර දීමට ද ක්‍රියාත්මක වෙන්න ස්තුතියි.

: 1 11

janabala asamagi Thursday, 01 October 2020 07:22 PM

සමහර දේවල් වතුරට වැටුනම බලය අඩු වෙනවා ආරක්ෂාවක් නැහැ. ගමට ගෙනියන්න ඕන සුදුසු විදිහට.

: 0 2

Rathnapura Wasiya Friday, 02 October 2020 03:03 AM

අනේ මහත්තයෝ ආවට කමක් නැහැ. අපිට ඕන පාලම විතරයි.

: 0 9

saliya Friday, 02 October 2020 05:23 AM

පොදුජන ඉංජිනේරුවන් කියන විදිහට බර වාහන යන්න බැරි පටු පාලම් හදන්න එපා.

: 1 5

Kamal Koyrala Friday, 02 October 2020 07:26 AM

බොහොම හොඳයි... ඒත් ඡන්ද වියදම් පියවා ගන්න හෝ ඡන්දයට ආධාර කළ කොන්ත්‍රාත් කරුවන්ට නොපවරා රාජ්‍ය ඉංජිනේරු සමාගම විසින් ඉදිකරනවා නම් තමයි හොඳ.. එතකොට මහජන මුදල් ටෙන්ඩර්, වංචා වෙන්නේ නැහැ. රජයේ වගවීම තියෙනවා.

: 0 10

සෙනවිFriday, 02 October 2020 11:42 AM

කලක් බලාපොරොත්තුව සිටි දෙයක්... කිව්වා වගේ මෙයට රාජ්‍ය ඉංජිනේරු දෙපාර්තමේන්තුවේ අධීක්ෂණය යටතේ කළයුත්තක්. ඒ වගේම මේවාට උත්සව නැතිව කළොත් තවත් වියදම අඩු කළ හැකිය.

: 0 5

Sanjeeva Perera Saturday, 03 October 2020 08:47 AM

ඉතා හොඳ වැඩක් ලංසා මහතාණෙනි..

: 0 1