විසිවැනි සංශෝධන කෙටුම්පතට ආණ්ඩුවෙන්ම සංශෝධන
(අජන්ත කුමාර අගලකඩ)
පාර්ලිමේන්තුව තේරී පත්වී වසර දෙක හමාරකින් පසුව විසුරුවා හැරීමේ බලය ජනාධිපතිවරයාට පැවරෙන වගන්තියක් විසිවැනි ආණ්ඩුක්රම ව්යවස්ථා සංශෝධනයට ඇතුළත් කිරීමට රජය තීරණය කර ඇත.
පාර්ලිමේන්තුවට ඉදිරිපත් කර ඇති 20 වැනි ව්යවස්ථා සංශෝධන පනත් කෙටුම්පතට එම වගන්තිය ඇතුළත් වී නැති අතර එය පනත් කෙටුම්පත පාර්ලිමේන්තුවේ සම්මත කෙරෙන කාරක සභා අවස්ථාවේදී සංශෝධනයක් ලෙස ගෙන ඒමට රජය තීරණය කර තිබේ.
පාර්ලිමේන්තුව තේරීපත්වී වසරකින් පසුව විසුරුවා හැරීමේ බලය විධායක ජනාධිපතිවරයාට 78 ආණ්ඩුක්රම ව්යවස්ථාවෙන් ලැබී තිබූ නමුත් යහපාලන රජය 2015 දී සම්මත කළ 19 වැනි ව්යවස්ථා සංශෝධනයෙන් එය වසර හතර හමාරක් දක්වා දීර්ඝ කර තිබිණි.
19 වන ව්යවස්ථා සංශෝධනය අහෝසි කිරීමට පාර්ලිමේන්තුවට ඉදිරිපත් කර ඇති 20 වැනි ව්යවස්ථා සංශෝධන පනත් කෙටුම්පතේ ද එය වසරකින් පසුව ලෙස සඳහන් වී ඇතත් කාරක සභා අවස්ථාවේදී එය වසර දෙක හමාරකින් පසුව යනුවෙන් සංශෝධනයක් ලෙස ගෙන ඒමට රජය තීරණය කර ඇත.
මේ සම්බන්ධයෙන් ඉරිදා ලංකාදීපය කළ විමසුමකදී අදහස් දැක්වූ අධ්යාපන ඇමැති මහාචාර්ය ජී.එල්. පීරිස් මහතා සඳහන් කළේ පාර්ලිමේන්තුව තේරී පත්වී වසර දෙක හමාරකින් පසුව විසුරුවා හැරීමේ බලය ජනාධිපතිවරයාට පැවරෙන ලෙස 20 වැනි ව්යවස්ථා සංශෝධන පනත් කෙටුම්පතට සංශෝධනයක් ගෙන එන බවය.
එය පාර්ලිමේන්තුවට ඉදිරිපත් කර ඇති 20 වැනි ව්යවස්ථා සංශෝධන පනත් කෙටුම්පතේ ඇතුළත් වී නැති බවත් එය සම්මත කෙරෙන කාරක සභා අවස්ථාවේදී සංශෝධනයක් ලෙස ගෙන ඒමට කටයුතු කරන බවත් මහාචාර්ය පීරිස් මහතා කීවේය.
මන්ත්රීවරුන් මහජන ඡන්දයෙන් පාර්ලිමේන්තුවට තේරී පත්වන්නේ වසර 5 කට බැවින් ජනාධිපතිවරයාට පාර්ලිමේන්තුව විසුරුවා හැරිය හැක්කේ වසර දෙක හමාරකින්වත් පසුව විය යුතු බවට සරත් එන්. සිල්වා මහතා අගවිනිසුරු ලෙස සිටියදී අදහසක් ප්රකාශ කර ඇතැයි කී මහාචාර්ය පීරිස් මහතා රජය ද එවැනි අදහසක සිටින්නේ යැයි කීවේය.
ඒ අනුව ජනාධිපතිවරයාට වසර දෙක හමාරකින් පසුව පාර්ලිමේන්තුව විසුරුවා හැරිය හැකි වන සේ බලය පැවැරෙන වගන්තියක් 20 වැනි ව්යවස්ථා සංශෝධනයට ඇතුළත් කරන බව ඔහු සඳහන් කළේය.
තෙවැනි ලෝක යුද්ධයක් හටගනීවි යැයි බියක් ඇති කරමින්, ඊශ්රායලය පෙරේදා (19දා) අලුයම ඉරානයේ නගරයකට මිසයිල සහ ඩ්රෝන යානා ප්රහාරයක් එල්ල කළේය. ඊශ්රායලය මෙ
මේ වෙනවිට අර්බුදයකට ලක්ව ඇති ශ්රී ලංකා නිදහස් පක්ෂයේ බලය අල්ලා ගැනීමට ශ්රී ලංකා පොදුජන පෙරමුණෙන් ඉවත්ව සිටින පිරිසක් සහ ආණ්ඩුවට සම්බන්ධ වී සිටින ශ්
පාස්කු ප්රහාරයට සම්බන්ධ පුද්ගලයන් පිළිබඳව හිටපු ජනාධිපති මෛත්රීපාල සිරිසේන මහතාට තොරතුරු හෙළි කළැයි කියන පුද්ගලයා හඳුනා ගැනීම සඳහා රහස් පොලීසිය
වාණිජ ණය ප්රතිව්යුහගතකරණය යටතේ ජාත්යන්තර පෞද්ගලික ණය හිමියන්ගේ ණය ප්රතිව්යුහගතකරණයට අදාළ තීරණාත්මක සාකච්ඡාවක් එම ණය හිමියන් නියෝජනය කරන කමිට
මහ මැතිවරණයට පෙර ජනාධිපතිවරණය පැවැත්වීමට ආණ්ඩුවේ ප්රධානීන්ගේ අවධානය යොමුවී ඇතැයි වාර්තාවේ. සාකච්ඡා වට ගණනාවකදීම ඉහළම ප්රමුඛත්වය ලැබී ඇත්තේ ජනාධ
රටේ දැවැන්ත ආර්ථික අර්බුදයක් පවතින අවස්ථාවක ශ්රී ලංකා මහ බැංකුවේ නිලධාරීන් සියයට 70 ක් දක්වා ප්රමාණයන්ගෙන් තම තමන්ගේ වැටුප් වැඩි කර ගෙන ඇතැයි කියන ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මැතිසබේ විසුරුවීමේ ජනපති බලය වසර දෙකහමාරට බස්සයි