පසු පෙළෙන් බලපෑමක්
ආණ්ඩු පක්ෂයේ විශේෂ රැස්වීමක් හෙට
(අජන්ත කුමාර අගලකඩ)
බලශක්ති අමාත්ය උදය ගම්මන්පිල මහතා සහ ශ්රී ලංකා පොදුජන පෙරමුණේ ප්රධාන ලේකම් පාර්ලිමේන්තු මන්ත්රී සාගර කාරියවසම් මහතා අතර ඇතිව තිබෙන දේශපාලන ගැටුම මේ වනවිට ආණ්ඩුවේම පාර්ශ්ව දෙකක් අතර ගැටුමක් දක්වා දුරදිග ගොස් ඇත.
ආණ්ඩුවේ හවුල්කාර පක්ෂ කීපයක් ගම්මන්පිල මහතා වෙනුවෙන් එකට එක්වී සිටින අතර, එම පිරිසට එරෙහිව ආණ්ඩුවේ පසුපෙළ මන්ත්රී කණ්ඩායම ද කාරියවසම් මහතා සමග එක්ව සිටී.
ගම්මන්පිල මහතා බලශක්ති අමාත්ය ධුරයෙන් ඉවත්කර වෙනත් අමාත්ය ධුරයකට පත් කරන ලෙස ජනාධිපතිවරයාගෙන් හා අගමැතිවරයාගෙන් ඉල්ලා සිටීමේ මෙහෙයුමක්ද ක්රියාත්මක වෙමින් පවතින බව දැනගන්නට ඇත.
ආණ්ඩුවේ පසුපෙළ මන්ත්රී කණ්ඩායම ආණ්ඩු පක්ෂ රැස්වීමේදී ද ගම්මන්පිල මහතාට එරෙහිව අදහස් ප්රකාශ කිරීමට සූදානමින් සිටින බව වාර්තා වේ.
ආණ්ඩුවේ පසුපෙළ මන්ත්රීවරුන් ඉකුත් බදාදා බත්තරමුල්ල නෙළුම් මාවතේ පිහිටි පොදුජන පෙරමුණේ පක්ෂ කාර්යාලයේදී රැස්වී ගම්මන්පිල මහතාට එරෙහිව ගත හැකි ක්රියාමාර්ග සම්බන්ධයෙන් සාකච්ඡා කර ඇතැයි දැනගන්නට තිබේ.
මේ තත්ත්වය තුළ ගම්මන්පිල මහතාට එරෙහිව විපක්ෂය ගෙනඑන විශ්වාසභංග යෝජනාවේ දී ආණ්ඩුවේ පසුපෙළ මන්ත්රීවරුන් කුමන ප්රතිපත්තියක් අනුගමනය කරන්නේ ද යන්න සම්බන්ධයෙන් ගැටලුකාරී තත්ත්වයක් මතුව ඇතැයි වාර්තා වේ.
මේ අතර ආණ්ඩු පක්ෂ මන්ත්රී කණ්ඩායමේ විශේෂ රැස්වීමක් ජනාධිපති ගෝඨාභය රාජපක්ෂ මහතාගේ ප්රධානත්වයෙන් ජනාධිපති කාර්යාලයේ දී හෙට (21) සවස 6.30 ට පැවැත්වීමට නියමිතව ඇත.
ගම්මන්පිල මහතාට එරෙහිව ඉදිරිපත්ව ඇති විශ්වාසභංග යෝජනාව සම්බන්ධයෙන් ද එහිදී සාකච්ඡා කරනු ඇතැයි දැනගන්නට ඇත.
තෙවැනි ලෝක යුද්ධයක් හටගනීවි යැයි බියක් ඇති කරමින්, ඊශ්රායලය පෙරේදා (19දා) අලුයම ඉරානයේ නගරයකට මිසයිල සහ ඩ්රෝන යානා ප්රහාරයක් එල්ල කළේය. ඊශ්රායලය මෙ
මේ වෙනවිට අර්බුදයකට ලක්ව ඇති ශ්රී ලංකා නිදහස් පක්ෂයේ බලය අල්ලා ගැනීමට ශ්රී ලංකා පොදුජන පෙරමුණෙන් ඉවත්ව සිටින පිරිසක් සහ ආණ්ඩුවට සම්බන්ධ වී සිටින ශ්
පාස්කු ප්රහාරයට සම්බන්ධ පුද්ගලයන් පිළිබඳව හිටපු ජනාධිපති මෛත්රීපාල සිරිසේන මහතාට තොරතුරු හෙළි කළැයි කියන පුද්ගලයා හඳුනා ගැනීම සඳහා රහස් පොලීසිය
වාණිජ ණය ප්රතිව්යුහගතකරණය යටතේ ජාත්යන්තර පෞද්ගලික ණය හිමියන්ගේ ණය ප්රතිව්යුහගතකරණයට අදාළ තීරණාත්මක සාකච්ඡාවක් එම ණය හිමියන් නියෝජනය කරන කමිට
මහ මැතිවරණයට පෙර ජනාධිපතිවරණය පැවැත්වීමට ආණ්ඩුවේ ප්රධානීන්ගේ අවධානය යොමුවී ඇතැයි වාර්තාවේ. සාකච්ඡා වට ගණනාවකදීම ඉහළම ප්රමුඛත්වය ලැබී ඇත්තේ ජනාධ
රටේ දැවැන්ත ආර්ථික අර්බුදයක් පවතින අවස්ථාවක ශ්රී ලංකා මහ බැංකුවේ නිලධාරීන් සියයට 70 ක් දක්වා ප්රමාණයන්ගෙන් තම තමන්ගේ වැටුප් වැඩි කර ගෙන ඇතැයි කියන ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගම්මන්පිල ගෙදර යවයිද?