(අජන්ත කුමාර අගලකඩ)
පළාත් සභා මැතිවරණය පැවැත්වීමට අදාළ නව පනත් කෙටුම්පත සම්බන්ධයෙන් ආණ්ඩු පක්ෂය තුළ ඇතිව තිබෙන අර්බුදය විසඳා ගැනීම සඳහා ආණ්ඩුවේ පක්ෂ නායකයන් ජනාධිපති ගෝඨාභය රාජපක්ෂ මහතාගේ ප්රධානත්වයෙන් මේ සතියේදී රැස්වීමට නියමිතය.
පළාත් සභා මැතිවරණය කොට්ඨාස හා අනුපාත මිශ්ර මැතිවරණ ක්රමයකට පැවැත්වීමට කැබිනට් මණ්ඩලය ගිය සතියේදී එකඟතාවක් ඇති කර ගත් නමුත්, මැතිවරණ කොට්ඨාසයකට එකම පක්ෂයේ අපේක්ෂකයන් තිදෙනකු ඉදිරිපත් කිරීමට නව පනත් කෙටුම්පත් කර ඇති යෝජනාවට ආණ්ඩුවේ ඇමැතිවරුන් පිරිසක් විරෝධය පළකර ඇත.
දිනේෂ් ගුණවර්ධන, වාසුදේව, නානායක්කාර, විමල් වීරවංශ, උදය ගම්මන්පිල, ආචාර්ය බන්දුල ගුණවර්ධන යන ඇමැතිවරුන්, එම යෝජනාවට විරෝධය පළකර ඇති ඇමැතිවරුන් කිහිපදෙනා අතර වන බව රජයේ ආරංචි මාර්ග කියයි.
පළාත් සභා මැතිවරණය පැවැත්වීම සඳහා වන නව පනත් කෙටුම්පත රාජ්ය සේවා පළාත් සභා හා පළාත් පාලන ඇමැති ජනක බණ්ඩාර තෙන්නකෝන් මහතා විසින් මීට සති දෙකකට පමණ ඉහතදී කැබිනට් මණ්ඩලයට ඉදිරිපත් කරනු ලැබූ අතර, එය ගිය සතියෙ කැබිනට් රැස්වීමේ දී සාකච්ඡාවට ගැනුණි.
මැතිවරණය කොට්ඨාස හා අනුපාත මිශ්ර ක්රමයට පැවැත්වීමට කැබිනට් මණ්ඩලය එහිදී එකඟ වූ අතර මැතිවරණ කොට්ඨාසයකට එකම පක්ෂයකින් අපේක්ෂකයන් තිදෙනකු ඉදිරිපත් කිරීමට ඇතැම් ඇමැතිවරුන් විරුද්ධවීම නිසා කැබිනට් පත්රිකාව අනුමත නොවීය.
ඒ අනුව අදාළ කාරණය සම්බන්ධයෙන් පක්ෂ නායකයන්ගේ රැස්වීමක් කැඳවා සාකච්ඡා කර අවසන් තීරණයකට එන බව ජනාධිපති ගෝඨාභය රාජපක්ෂ මහතා කැබිනට් මණ්ඩලයට දැනුම් දී තිබිණි.
කෙසේ වුවද පළාත් සභා මැතිවරණය කොට්ඨාස හා අනුපාත මිශ්ර ක්රමය යටතේ පැවැත්වීම ස්ථිර බව රජයේ ජ්යෙෂ්ඨ ඇමැතිවරයෙක් ඉරිදා ලංකාදීපයට පැවැසීය. එහිදී පළාත් සභාවේ මන්ත්රීධුර ගණනින් සියයට 70ක් කොට්ඨාස ක්රමයට ද සියයට 30ක් අනුපාත ක්රමයට ද පත්කර ගැනෙන බව ඔහු සඳහන් කළේය.
පක්ෂනායකයන්ගේ රැස්වීමේ දී ඇතිවන එකඟතා අනුව නව පනත් කෙටුම්පත පාර්ලිමේන්තුවට ඉදිරිපත් කෙරෙනු ඇත.
එම පනත් කෙටුම්පත සම්මත වීමෙන් පසුව ජනාධිපතිවරයා විසින් සති දෙකක් ඇතුළත පස්දෙනකුගෙන් යුත් සීමා නිර්ණ කමිටුවක් පත්කරනු ලබන අතර එම සීමා නිර්ණ කමිටු වාර්තාව ද පාර්ලිමේන්තුවේ සම්මත කර ගත යුතු වේ.
තෙවැනි ලෝක යුද්ධයක් හටගනීවි යැයි බියක් ඇති කරමින්, ඊශ්රායලය පෙරේදා (19දා) අලුයම ඉරානයේ නගරයකට මිසයිල සහ ඩ්රෝන යානා ප්රහාරයක් එල්ල කළේය. ඊශ්රායලය මෙ
මේ වෙනවිට අර්බුදයකට ලක්ව ඇති ශ්රී ලංකා නිදහස් පක්ෂයේ බලය අල්ලා ගැනීමට ශ්රී ලංකා පොදුජන පෙරමුණෙන් ඉවත්ව සිටින පිරිසක් සහ ආණ්ඩුවට සම්බන්ධ වී සිටින ශ්
පාස්කු ප්රහාරයට සම්බන්ධ පුද්ගලයන් පිළිබඳව හිටපු ජනාධිපති මෛත්රීපාල සිරිසේන මහතාට තොරතුරු හෙළි කළැයි කියන පුද්ගලයා හඳුනා ගැනීම සඳහා රහස් පොලීසිය
වාණිජ ණය ප්රතිව්යුහගතකරණය යටතේ ජාත්යන්තර පෞද්ගලික ණය හිමියන්ගේ ණය ප්රතිව්යුහගතකරණයට අදාළ තීරණාත්මක සාකච්ඡාවක් එම ණය හිමියන් නියෝජනය කරන කමිට
මහ මැතිවරණයට පෙර ජනාධිපතිවරණය පැවැත්වීමට ආණ්ඩුවේ ප්රධානීන්ගේ අවධානය යොමුවී ඇතැයි වාර්තාවේ. සාකච්ඡා වට ගණනාවකදීම ඉහළම ප්රමුඛත්වය ලැබී ඇත්තේ ජනාධ
රටේ දැවැන්ත ආර්ථික අර්බුදයක් පවතින අවස්ථාවක ශ්රී ලංකා මහ බැංකුවේ නිලධාරීන් සියයට 70 ක් දක්වා ප්රමාණයන්ගෙන් තම තමන්ගේ වැටුප් වැඩි කර ගෙන ඇතැයි කියන ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ආණ්ඩුවේ මත ගැටුම විසඳන්න පක්ෂ නායක රැස්වීමක්