වසර 1982 න් ආරම්භ වෙන ශ්‍රී ලංකාවේ ජනාධිපතිවරණ ඉතිහාසයේ කිසිදු අපේක්ෂක​ෙයකු සියයට පනහ ඉක්මවන ඡන්ද ප්‍රතිශතයක් ලබා නොගන්නා ජනාධිපතිවරණය බවට මෙවර ජනාධිපතිවරණය ඉතිහාසගත වීමට ඉඩ ඇතැයි දේශපාලන විචාරකයෝ අනාවැකි පළ කරති. මෙවර ජනාධිපතිවරණයේදී ඊට තරග කරන කිසිදු අපේක්ෂක​ෙයකුට 50% ඉක්මවන ඡන්ද ප්‍රතිශතයක් ලබා ගැනීමට නොහැකි වෙනු ඇති බව ද ඔවුහු පෙන්වා දෙති.

ජනාධිපතිවරණයකදී කිසියම් අපේක්ෂක​ෙයකු ජයග්‍රාහකයා වශයෙන් පත්වීමට නම් දෙන ලද වලංගු ඡන්දවලින් 50% ක් හා තවත් ඡන්දයක් (50% ඉක්මවන ඡන්ද ප්‍රතිශතයක්) ලබා ගත යුතු බව ජනාධිපතිවරණ ඡන්ද විමසීම් පනතෙහි දැක්වෙන අතර 1982 සිට මේ දක්වා පැවැති ජනාධිපතිවරණවලදී ජයග්‍රහණය කළ සෑම අපේක්ෂක​ෙයකුම 50% ඉක්මවා ඡන්ද ලබා ගත් හෙයින් කිසිදු අවස්ථාවක දෙවැනි තුන්වැනි මනාප ගණනය කිරීමක් සිදු කර නැත.

එබැවින් මුල්වරට දෙවැනි සහ තුන්වැනි මනාප ගණනය කිරීමෙන් ජයග්‍රාහකයා තෝරන ජනාධිපතිවරණය බවට මෙවර ජනාධිපතිවරණය ඉතිහාසගතවීමට ඉඩ ඇතැයි ද දේශපාලන විචාරකයෝ කියති. ජයග්‍රාහී අපේක්ෂකයා 40% ක් හෝ ඊට ආසන්න ඡන්ද ප්‍රතිශතයක් ලබාගනු ඇති බවටද දේශපාලන විශ්ලේෂකයෝ මත පළ කරති.

1982 සිට පැවති ජනාධිපතිවරණවලදී වැඩිම ඡන්ද ප්‍රතිශතයක් ලබා ගනිමින් ජනාධිපතිවරයා වශයෙන් පත්ව ඇත්තේ 1994 ජනාධිපතිවරණයට ශ්‍රී ලංකා පොදු පෙරමුණේ අපේක්ෂිකාව වශයෙන් ඉදිරිපත් වූ චන්ද්‍රිකා බණ්ඩාරනායක කුමාරතුංගයි. එහිදී ඇය හිමි කර ගත් මුළු ඡන්ද ප්‍රතිශතය 62.28% කි. 

2019 ජනාධිපතිවරණයේ ජයග්‍රාහකයා වූ ශ්‍රී ලංකා පොදු ජන පෙරමුණේ අපේක්ෂක ගෝඨාභය රාජපක්ෂ 52.25% ක ඡන්ද ප්‍රතිශතයක් ලබා ගත්තේය. 2015 ජනාධිපතිවරණයේ ජයග්‍රාහකයා වූ මෛත්‍රීපාල සිරිසේන  51.28% ක ඡන්ද ප්‍රතිශතයක් ද 2010 ජනාධිපතිවරණයේ ජයග්‍රාහකයා වූ එක්සත් ජනතා නිදහස් සන්ධානයේ අපේක්ෂක මහින්ද රාජපක්ෂ 57.88% ක ඡන්ද ප්‍රතිශතයක් ද ලබා ගත්හ.