(අජන්ත කුමාර අගලකඩ)
ශ්රී ලංකා මුස්ලිම් කොංග්රසයෙ නායක ඇමැති රාවුෆ් හකීම් මහතා තම පක්ෂයට තවත් රාජ්ය හෝ නියෝජ්ය ඇමැති ධුර දෙකක් ද සමස්ත ලංකා මහජන කොංග්රසයෙ නායක ඇමැති රිෂාද් බදියුදීන් මහතා තවත් අමාත්යාංශයක් ද ඉල්ලා ඇතැයි රජයේ ආරංචි මාර්ග සඳහන් කරයි.
ශ්රී ලංකා මුස්ලිම් කොංග්රසයට පාර්ලිමේන්තුවේ මන්ත්රී ධුර හතක් හිමිව ඇති අතර ඉන් හකීම් මහතාට කැබිනට් ඇමැති ධුරයක් ද තවත් මන්ත්රීවරුන් තිදෙනකුට රාජ්ය ඇමැති ධුර තුනක් ද දැනටමත් හිමිව ඇත.
ඊට අමතරව තවත් මන්ත්රීවරුන් දෙදෙනකුට රාජ්ය හෝ නියෝජ්ය ඇමැති ධුර අවශ්ය බවට හකීම් මහතා ආණ්ඩුවෙන් ඉල්ලීමක් කර ඇතැයි රජයෙ ආරංචි මාර්ගවලින් වාර්තා වේ.
මේ අතර රාවුෆ් හකීම් මහතාට ජල සම්පාදන හා නගර සැලසුම් අමාත්ය ධුරයට අමතරව උසස් අධ්යාපන අමාත්යංශය ද හිමිව ඇති නිසා තමාට ද කර්මාන්ත හා වානිජ කටයුතු, දිගුකාලීන අවතැන් පුද්ගලයින් නැවත පදිංචි කිරීම් සහ සමුපකාර සංවර්ධන ඇමැති ධුරයට අමතරව නිපුණතා සංවර්ධන හා වෘත්තිය පුහුණු අමාත්ය ධුරය ලබාදෙන්නැයි රිෂාද් බදියුදීන් මහතා ආණ්ඩුවෙන් ඉල්ලීමක් කර ඇති බව එම ආරංචි මාර්ග කියයි.
රිෂාද් බදියුදීන් මහතාගේ ඉල්ලීමට අනුව ඔහුට නිපුණතා සංවර්ධන හා වෘත්තිය පුහුණු අමාත්ය ධුරය ද ලබාදෙන ලෙස එක්සත් ජාතික පක්ෂය ජනාධිපති මෛත්රීපාල සිරිසේන මහතාගෙන් ලිඛිත ඉල්ලීමක් ද කර ඇති අතර එම ඉල්ලීම ප්රතික්ෂේප කරන බව ජනාධිපතිවරයා ඉකුත් සතියේ පැවැති කැබිනට් රැස්වීමේදී ප්රකාශ කර ඇතැයි වාර්තා වේ.
මීට පෙර මහාමාර්ග හා උසස් අධ්යාපන අමාත්ය ධුරය එකට තිබුණ සේ මෙවර ජල සම්පාදන හා උසස් අධ්යාපන අමාත්ය ධුරය එකට තැබීම කොතරම් විද්යාත්මක දැයි ප්රශ්න කර ඇති ජනාධිපතිවරයා වෙළෙඳ අමාත්යංශයට නිපුණතා සංවර්ධන හා වෘත්තිය පුහුණු අමාත්ය ධුරය එකතු කරන්නේ කුමන විද්යාත්මක පදනමකින් ද යන්න තමාට නොතේරෙන්නේ යැයි ද පවසා ඇත.
නිපුණතා සංවර්ධන හා වෘත්තීය පුහුණු අමාත්යාංශය, අධ්යාපන අමාත්යාංශය හෝ තාක්ෂණ හා පර්යේෂණ හෝ යන අමාත්යාංශවලින් එකකට පැවැරීමේ ගැටලුවක් නැතැයි ද ජනාධිපතිවරයා එහිදී ප්රකාශ කර ඇතැයි වාර්තා වේ.
එක එක්කෙනාගේ බල ව්යාපෘති වෙනුවෙන් මේ ආකාරයෙ විෂය පථයන් පැවැරීමට තමා සූදානම් නැතැයි ද ජනාධිපතිවරයා කැබිනට් රැස්වීමේදී ප්රකාශ කර ඇති බව දැනගන්නට තිබේ.
සමස්ත ලංකා මහජන කොංග්රසයට පාර්ලිමේන්තුවේ මන්ත්රී ධුර පහක් හිමිව ඇති අතර ඉන් රිෂාද් බදියුදීන් මහතාට කැබිනට් ඇමැති ධුරයක්ද තවත් මන්ත්රීවරුන් දෙදෙනකුට රාජ්ය හා නියෝජ්ය ඇමැති ධුරයක්ද හිමිව ඇත.
තෙවැනි ලෝක යුද්ධයක් හටගනීවි යැයි බියක් ඇති කරමින්, ඊශ්රායලය පෙරේදා (19දා) අලුයම ඉරානයේ නගරයකට මිසයිල සහ ඩ්රෝන යානා ප්රහාරයක් එල්ල කළේය. ඊශ්රායලය මෙ
මේ වෙනවිට අර්බුදයකට ලක්ව ඇති ශ්රී ලංකා නිදහස් පක්ෂයේ බලය අල්ලා ගැනීමට ශ්රී ලංකා පොදුජන පෙරමුණෙන් ඉවත්ව සිටින පිරිසක් සහ ආණ්ඩුවට සම්බන්ධ වී සිටින ශ්
පාස්කු ප්රහාරයට සම්බන්ධ පුද්ගලයන් පිළිබඳව හිටපු ජනාධිපති මෛත්රීපාල සිරිසේන මහතාට තොරතුරු හෙළි කළැයි කියන පුද්ගලයා හඳුනා ගැනීම සඳහා රහස් පොලීසිය
වාණිජ ණය ප්රතිව්යුහගතකරණය යටතේ ජාත්යන්තර පෞද්ගලික ණය හිමියන්ගේ ණය ප්රතිව්යුහගතකරණයට අදාළ තීරණාත්මක සාකච්ඡාවක් එම ණය හිමියන් නියෝජනය කරන කමිට
මහ මැතිවරණයට පෙර ජනාධිපතිවරණය පැවැත්වීමට ආණ්ඩුවේ ප්රධානීන්ගේ අවධානය යොමුවී ඇතැයි වාර්තාවේ. සාකච්ඡා වට ගණනාවකදීම ඉහළම ප්රමුඛත්වය ලැබී ඇත්තේ ජනාධ
රටේ දැවැන්ත ආර්ථික අර්බුදයක් පවතින අවස්ථාවක ශ්රී ලංකා මහ බැංකුවේ නිලධාරීන් සියයට 70 ක් දක්වා ප්රමාණයන්ගෙන් තම තමන්ගේ වැටුප් වැඩි කර ගෙන ඇතැයි කියන ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හකීම් - රිෂාද් තවත් ඇමැතිධුර ඉල්ලති