පාලිත ආරියවංශ සහ සමන් පාලිත නානායක්කාර 

හල්දුම්මුල්ල බඹරකන්ද දිය ඇල්ල ප්‍රදේශයේ වංගෙඩිගල කන්ද  නරඹා එහි කඳවුරු බැඳ සිට නැවත පිටත්වීමට නොහැකිව අතරමංව සිටි  කොළඹ පුද්ගලික විශ්ව විද්‍යාලයක සිසුන් 9 දෙනෙකු බේරාගැනීමට යුධ හමුදාව සමත් වී තිබේ.
 
හල්දුම්මුල්ල පොලිසිය මේ බව ආරක්ෂක සේවා ආඥාපති මේජර් ජනරාල් ආර්.එච්.එච් .ඩයස් මහතාට දැනුම් දුන් පසුව ඔහුගේ උපදෙස් මත  ආරක්ෂක බලසේනා මධ්‍යම බල ප්‍රදේශයට අයත් දියතලාව  කඳවුරේ නිලධාරියෙක් හා සෙබලුන් 10 දෙනෙක්  මෙම මුදවා ගැනීමේ මෙහෙයුමට පිටත්වු බව යුධ හමුදා නිලධාරියෙක් පැවසීය .
 
ඉකුත් 27 වැනිදා රාත්‍රී 11.30ට  පිටත්ව පසුදා අලුයම 2.35 ට එම  ස්ථානයට ලගාවී  සිසුන් සියලුදෙනා නිරුපද්‍රිතව  මුදවාගෙන හල්දුම්මුල්ල පොලිසිය වෙත බාරදුන් බව යුද හමුදාව පවසයි.