ශ්‍රී ලංකා ක‍්‍රිකට් ආයතනය සංවිධානය කළ ශ්‍රී ලංකාවේ ප‍්‍රධානතම ක‍්‍රිකට් සම්මාන උළෙල වන ‘සියැට්’ ශ්‍රී ලංකා ක‍්‍රිකට් සම්මාන උළෙලේදී (2012) වසරේ නැගී එන ක‍්‍රිකට් ක‍්‍රීඩකයා ලෙස යොවුන් පිතිකරු දිනේෂ් චන්දිමාල් සම්මාන හිමිකර ගත්තේය. මෙහිදී හිටපු නායක කුමාර් සංගක්කාර ප‍්‍රධානතම සම්මාන දෙක වන ‘වසරේ ක‍්‍රිකට් ක‍්‍රීඩක’ සහ ‘වසරේ සියැට් ජනප‍්‍රිය ක‍්‍රිකට් ක‍්‍රීඩක’ සම්මාන සහ වසරේ ටෙස්ට් පිතිකරු සම්මානය ද හිමිකර ගත්තේය. ‘සියැට් ශ්‍රී ලංකා ක‍්‍රිකට් සම්මාන උළෙල පෙරේදා (05) රාත‍්‍රි බත්තරමුල්ල වෝටර්ස් ඒජ්හිදී පැවැත්විණි. ශ්‍රී ලංකා ක‍්‍රිකට් ආයතනයේ උප භාණ්ඩගාරික අජිත පැස්කුවෙල් මහතා දිනේෂ් චන්දිමාලට වසරේ නැගී එන ක‍්‍රීඩක සම්මානය පිරිනැමූ අවස්ථාව ශ්‍රී ලංකා ක‍්‍රිකට් ආයතනයේ භාණ්ඩාගාරික නුස්කි මොහොමඞ් මහතා අතින් රංගන හේරත් වසරේ ටෙස්ට් පන්දු යවන්නාට හිමි සම්මාන ලබමින්.. ශ්‍රී ලංකා ක‍්‍රිකට් පිලේ නායක මහේල ජයවර්ධන, ක‍්‍රීඩා අධ්‍යක්‍ෂ ජනරාල් රංජනී ජයකොඩි මහත්මිය අතින් වසරේ එක්දින පිතිකරු සම්මාන ලබමින්.. ශ්‍රී ලංකා කාන්තා ක‍්‍රිකට් පිලේ නායිකා ශෂිකලා සිරිවර්ධන වසරේ දක්‍ෂතම තුන් ඉරියව් ක‍්‍රීඩිකා සම්මානය ශ්‍රී ලංකා ක‍්‍රිකට් ආයතනයේ උප භාණ්ඩගාරික අජිත පැස්කුවෙල් මහතා අතින් ලබාගත් අවස්ථාව ශ්‍රී ලංකා ක‍්‍රිකට් කණ්ඩායමේ කළමණාකරු චරිත් සේනානායක මහතා ශ්‍රී ලංකා ක‍්‍රිකට් ප‍්‍රධාන විධායක නිලධාරී අජිත් ජයසේකර මහතා අතින් සම්මාන ප‍්‍රදානයට සහභාගි නොවූ ලසිත් මාලිංගගේ (වසරේ එක්දින පන්දු යවන්නා) සහ තිලකරත්න ඩිල්ෂාන්ගේ (වසරේ එක්දින ක‍්‍රීඩකයා) සම්මාන ලබාගත් අවස්ථාව ශ්‍රී ලංකා ක‍්‍රිකට් ආතනයේ සභාපති උපාලි ධර්මදාස මහතා අතින් කුමාර් සංගක්කාර ‘වසරේ ක‍්‍රිකට් ක‍්‍රීඩක’ සම්මාන ලබමින්..