
(අංජුල මහික වීරරත්න)
සත්ව ආහාර නිෂ්පාදනය සඳහා බඩ ඉරිඟු ආනයනයට අප්රේල් 01 වැනිදායින් පසුව අනුමැතිය ලබා දීමට ආහාර ප්රතිපත්ති හා සුරක්ෂිතතා කමිටුවේ දී තීරණයට එළඹ ඇත.
බඩ ඉරිගු ආනයනයේදී නව ක්රමවේදයක අවශ්යතාව අවධාරණය කළ කෘෂිකර්ම, පශු සම්පත්, ඉඩම් සහ වාරි මාර්ග අමාත්ය කේ.ඩී ලාල්කාන්ත මහතා එය ක්රියාත්මක වන තුරු පැරණි ක්රමවේදය පවත්වාගෙන යාමට උපදෙස් ලබා දුන්නේය.
එළැඹෙන අලුත් අවුරුදු සමයේ ජනතාවට හිඟයකින් තොරව සහන මිලට අත්යාවශ්ය ආහාර ද්රව්ය සැපයීම පිළිබඳ මෙහිදී දීර්ඝ ලෙස සාකච්ඡා කෙරුණු අතර රටේ ආහාර සුරක්ෂිතතාව තහවුරු කිරීම සඳහා තොග පවත්වා ගැනීම ඇතුළු අනෙකුත් පියවර පිළිබඳව ද දීර්ඝ ලෙස සමාලෝචනය කෙරිණි.
ආහාර සුරක්ෂිතතාව තහවුරු කිරීමට අදාළව ප්රතිපත්තිමය තීන්දු ගැනීම සඳහා කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල්කාන්ත හා වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ මහත්වරු සහ ආහාර ප්රතිපත්ති හා සුරක්ෂිතතා කමිටුවේ සාමාජිකයෝ සිව්වන වරටත් පාර්ලිමේන්තු සංකීර්ණයේදී අද (3) රැස් වූහ.
අග්රාමාත්ය ලේකම් ජී.පී.සපුතන්ත්රී, ජනාධිපති ජ්යෙෂ්ඨ අතිරේක ලේකම් කපිල ජනක බණ්ඩාර මහත්වරුද අමාත්යාංශ ලේකම්වරුන්ගෙන් සමන්විත ආහාර ප්රතිපත්ති හා සුරක්ෂිතතා කමිටුවේ සෙසු සාමාජිකයෝ ද මෙම අවස්ථාවට එක්ව සිටියහ.

2025 දෙසැම්බර් මස 04
664
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
2025 නොවැම්බර් මස 21
547
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
445
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
සත්ව ආහාරවලට බඩ ඉරිඟු ගේන්න අවසර
Nandalal de Silva - France Monday, 03 March 2025 08:59 PM
සත්ව ආහාරයට කියා ආනායනය කර, පොලිතීන් පැකට්ටු වල අසුරා, මහජන පරිභෝජනය සදහා වෙළඳ පොලේ ලගදීම දැක බලාගත හැකිවනු ඇත ....
Udara Hemachandra Tuesday, 04 March 2025 09:15 AM
හොඳ තීරණයක් .ලෝක බඩ ඉරිඟු මිල පහත වැටී තිබේ
Brian Tuesday, 04 March 2025 12:52 PM
ලාල්කාන්තත් අර ටීෂර්ට් කටුව අත ඇරලා කපටි කිටට බැහැලා ඉන්නවා නේද දැන්? හොඳා හොඳා. කියන කොට එහෙමයි කරන කොට මෙහෙමයි.