ගල්කිස්ස සාන්ත තෝමස් විදුහල සහ මහනුවර ත‍්‍රිත්ව විදුහල අතර 35 වැනි ‘කැනන් ද සේරම්’ කුසලාන සඳහා පැවැත්වෙන රග්බි තරගය හෙට (20) පස්වරු 4.30 සිට හැව්ලොක්ස් ක‍්‍රීඩාංගණයේදී පැවැත්වේ. මෙම තරගයට සමගාමීව දෙවිදුහල් අතර කනිෂ්ඨ රග්බි තරග කීපයක් ද පැවැත්වීමට නියමිතය.

ත‍්‍රිත්ව විදුහල පළමු කොටසේ ‘ඒ’ කාණ්ඩයේ ක‍්‍රීඩා කරන අතර සාන්ත තෝමස් විදුහල පළමු කොටසේ ‘බී’ කාණ්ඩයේ ක‍්‍රීඩා කරයි.

දෙවිදුහල් අතර මෙම වාර්ෂික රග්බි තරගය 1978 වසරේ ආරම්භ වූ අතර එම තරගයෙන් ත‍්‍රිත්ව විදුහල ලකුණු 26-7 ක ජයක් ලැබීය. ත‍්‍රිත්ව විදුහල 1980 සිට 1987 දක්වා පිට පිටම මෙම තරගය වසර 8 ක් ජය ලැබූ අතර ශාන්ත තෝමස් විදුහල 1988 සිට 1992 දක්වා පිට පිටම වසර 5 ක් ජය ලැබීය.

ත‍්‍රිත්ව විදුහල ලකුණු 50-21 ක් ලෙස පසුගිය වසරේ මෙම තරගයෙන් ජය ලැබීය.  

(●●)