නිමල කොඩිතුවක්කු
 
ශ්‍රී  ලංකා නිදහස් පක්ෂයේ වැඩපළිවෙළ ගැන තමන්ට දැඩි කලකිරිමක් ඇති හෙයින් පක්ෂයේ තවදුරටත් රැඳීසිටීමට නොහැකි තත්ත්වයක් උද්ගතව ඇතැයි හිටපු අමාත්‍ය සහ පාර්ලිමේන්තු මන්ත‍්‍රී ඩබ්. ඩී. ජේ සෙනෙවිරත්න මහතා ලංකාදීපයට පැවැසීය.
 
තමා ආසන සංවිධායකධුරයෙන් සහ දිස්ත‍්‍රික් සංවර්ධන කමිටුවේ සම සභාපති ධුරයෙන් ඉවත් කළද ශ්‍රී ලංකා නිදහස් පක්ෂ  ජ්‍යෙෂ්ඨ උප සභාපතිධුරයෙන් ඉවත් කිරිම ගැන   මෙතෙක් කිසිදු දැනුම් දීමක් කර නොමැති බවද ඔහු සඳහන් කළේය.
 
තමන් ශ්‍රී ලංකා නිදහස් පක්ෂයේ  සාමාජිකත්වය ලබා ගත්තේ 1960 අගෝස්තු මාසයේදී බවත් එතැන් සිට පක්ෂය වෙනුවෙන් බොහෝ කැප කිරිම් කර ඇති බවත් ඒ මහතා පැවැසීය.
 
පක්ෂයේ වැඩපිළිවළ ගැන ඇති  කලකිරිම නිසා මහින්ද රාජපක්ෂ මහතාගේ නායකත්වය යටතේ කටයුතු කිරීමට තමා තීන්දු කර ඇති බවද ඔහු වැඩිදුරටත් පැවැසීය.