ශ්‍රීලනිප ඇමතිවරු කැබිනට් රැස්වීම වර්ජනය කරති

මෙවැනි තීරණයක් ගැනීම පසුපස ඇත්තේ විශ්වාස භංග යෝජනාවට පක්ෂ වූ කවුරුන්හෝ කැබිනට් රැස්වීමට සහභාගී වුවහොත් ඊට දැඩි විරෝධය පෑමට එජාපයේ පසුපෙළ මන්ත්‍රී කණ්ඩායම සූදානම්වන නිසා බව තතු දන්නෝ කියති. ආණ්ඩුවක හිඳිමින් ඒ ආණ්ඩුවටම එරෙහි විශ්වාස භංගයකට සහාය දී තව දුරටත් ඒ ආණ්ඩුවේම හිඳින්නේ රෙදි ඇඳගෙනදැයි විමසන එජාප පසුපෙළ මන්ත්‍රී කණ්ඩායම කැබිනට් රැස්වීම ඉදිරිපිට විරෝධය පෑමට සූදානමින් සිටියි. ශ්‍රීලනිපය කැබිනට්ටුව දිගින් දිගටම වර්ජනය කරන්නේ නම් සිදුවන්නේ ඉබේටම තනි එජාප ආණ්ඩුවක් බිහිවී දැනට තුන්බෑ වී ඇති ශ්‍රී ලංකා නිදහස් පක්ෂය සහ ජනාධිපතිවරයා තව තවත් මහින්ද රාජපක්ෂගේ පැත්තට තල්ලුවීමය. මහින්ද රාජපක්ෂ ඇතුළු පිරිස ශ්‍රී ලංකා නිදහස් පක්ෂයේ සාමාජිකත්වය අත්නොහැරියේ මන්දැයි දැන් ඉතා පැහැදිලි වන නමුත් ඒ පිරිසට එරෙහිව කිසිදු විනයානුකුල ක්‍රියාමාර්ගයක් ගැනීමට පක්ෂ නායකත්වය ක්‍රියා නොකරන්නේ ඇයිද යන්න පැහැදිලි නැත. මේ යන ආකාරයට ඒකාබද්ධය සැලසුම්කල සියලුදේ හිතුවාටත් වඩා ඉක්මනින් ක්‍රියාත්මක වෙනු ඇත.

මම මිට පෙර සඳහන් කලා වගේ 2020 වෙනකන් මේවා තමයි අහන්න වෙන්නේ.

මේ විදියට රටක් පාලනය කරන්න පුලුවන්ද ? එක වෙලාවකට හිතෙනව මේවා ඕන කමින් ඇති කරවනවාද කියලත්. මොකද දැන් මිනිස්සුන්ට , ඒගොල්ලන්ගෙ ප්‍රශ්නයක්වත් මතක නැහැ , මේවගෙ දේවල් වල එල්ලිලා ඉන්නවා. ජීවන වියදම අහස උසට. අරහෙන් විශ්ව විද්‍යාල වහල මාස ගාණක් වෙනවා. ඒ ළමයින්ගේ අනාගතය අඳුරු වෙලා. අයියෝ ලංකාවට වෙලා තියන දේ .

වහාම රජයෙන් ඉවත් වෙන්න.එජාප අයට ද්‍රවිඩයින්ගේ ඉල්ලීම් දීමට සූදානම්ව එකතුවෙන්න කියන්න. ඊට පසු කලයුතු දේ තීරණය කරන්නේ රටේ ජනතාවය. එවිට රට කබලෙන් ලිපට වැටෙනු ඇත.

අනේ අපේ රට, රට කොහේ යයිද.

ඕකත් විස්වාස භංග යෝජනාව වගේ පුස් වෙඩිල්ලක්. ජනතාවගේ ප්‍රශ්න යටපත් කරන මායාවක්.

ආණ්ඩුව අවුල් කිරීමට විපක්ෂයක් කුමටද ? එය ආණ්ඩුවේ ඉහලින්ම සිදු කරයි. රටට දැන් ඉදිරි ගමනක් නැත.

මේක ඒකාබද්දයේ ඉල්ලීම මත යන ප්ලෑන් එකට යන වැඩක්.

රට පාලනය කරන්න කලින් තම තමන්ව පාලනය කර ගන්න තරම් හැදියාවක් හා ආත්ම විශ්වාසයක් තිබිය යුතුයි. මේ අය එහෙම නොවෙයි පොඩි ළමයි වගේ රණ්ඩුවෙනවා හා එකිනෙකාට නින්දා අපහස කරනවා හැරෙන්න සමගියෙන් සමාදානයෙන් ප්‍රශ්ණ විසදාගෙන රට පාලනය කරන්න හෝ එසේ නැතිනම් වැදගත් විදියට ආණ්ඩුවෙන් ඉවත් වී විපක්ෂයේ ඉදගෙන ආණ්ඩුව විවේචනය කරන්න මේ අයට ධෛර්යක් හෝ ශක්තියක් නැහැ.

ඇමති තුමා ස්ට්‍රයික්?

ලජ්ජාවට එන්න බැරි නිසා වර්ජනය කරනවා කියනවා.

ඉල්ලා අස්වෙනවා හලෝ බොරු සෝබන නැතුව.

ශ්‍රීලනිපය කැබිනට් රැස්වීම වර්ජනය කළ යුතු යැයි යෝජනා කර ඇත්තේ පක්ෂයේ ප්‍රභලයෙකු බවයි කියන්නේ. මේ අතර ආණ්ඩුවක හිඳිමින් ඒ ආණ්ඩුවටම එරෙහි විශ්වාස භංගයකට සහාය දී තව දුරටත් ඒ ආණ්ඩුවේම හිඳින්නේ රෙදි ඇඳගෙනදැයි විමසන එජාප පසුපෙළ මන්ත්‍රී කණ්ඩායම කැබිනට් රැස්වීම ඉදිරිපිට විරෝධය පෑමට සූදානමින් සිටියහ. ශ්‍රීලනිපය කැබිනට්ටුව දිගින් දිගටම වර්ජනය කරන්නේ නම් සිදුවන්නේ ඉබේටම තනි එජාප ආණ්ඩුවක් බිහිවී දැනට තුන්බෑ වී ඇති ශ්‍රී ලංකා නිදහස් පක්ෂය සහ ජනාධිපති වරයා තව තවත් මහින්ද රාජපක්ෂගේ පැත්තට තල්ලුවීමය. මහින්ද රාජපක්ෂ ඇතුළු පිරිස ශ්‍රී ලංකා නිදහස් පක්ෂයේ සාමාජිකත්වය අත්නොහැරියේ මන්දැයි දැන් ඉතා පැහැදිලි වෙන නමුත් ඒ පිරිසට එරෙහිව කිසිදු විනයාලු කුල ක්‍රියාමාර්ගයක් ගැනීමට පක්ෂ නායකත්වය ක්‍රියා නොකරන්නේ ඇයිද යන්න පැහැදිලි නැත. මේ යන ආකාරයට ඒකාබද්ධය සැලසුම්කල සියලුදේ හිතුවාටත් වඩා ඉක්මනින් ක්‍රියාත්මක වෙනු ඇත.

රටේ මිනිස්සු බාගෙට බාගයක් ඔලුවේ අතගහගෙන ඉන්නේ අලුත් අවුරුදු කන්නේ කොහොමද කියලා. මේ අය බලය බෙදාගන්න ලබාගන්න ගේම් ගහනවා. අසරණ ඡන්ද දායකය ගැන හිතන්නේ නැහැ. මේ අය වෙනම ලෝකෙක ඉඳලා හීන බලනවා. එක අතකින් එය සාධාරණයි. මේ අයට සාමාන්‍ය මිනිසුන්ගේ ප්‍රශ්න නෑනේ, ලයිට් බිල් ,විදුලි බිල්, බස් ගාස්තු , ණය මුදල් පියවීම වගේ දේවල්. ජනතාවගේ මුදල් හොරා කාලා, නිකන් වගේ පාර්ලිමෙන්තුවෙනුත් සුපිරි කෑම කාලා බයිට් එකට ජනතාව ගොනාට අන්දනවා. අපි වගේ මෝඩ ජනතාවක්.