( තිළිණි ද සිල්වා ) 

ධාවනය වෙමින් තිබූ මෝටර් රථයකින් පැන සිය දිවි හානි කර ගැනිමට උත්සහ දැරූ ශ්‍රී ලාංකික ගෘහ සේවිකාවක් සාජා පොලීසිය  අද (6) අත්අඩංගුවට ගෙන  ඇතැයි තානාපති ආරංචි මාර්ග සඳහන් කරයි.


අත්අඩංගුවට පත්ව ඇත්තේ 47  හැවිරිදි ශ්‍රී ලාංකික කාන්තාවක් වන අතර ඇය වසර 10කට අධික කාලයක් සාජා හි අදාළ නිවසේ සේවයේ නිරතව සිට ඇති බව වාර්තා වේ.
 
ඇය සේවය කළ නිවසේ හිමිකරුට අයත් මෝටර් රථයෙන් පැන සියදිවි හානි කර ගැනිමට උත්සහ දරා ඇති බව එම ආරංචි මාර්ග  පවසයි.
 
පකිස්ථාන ජාතික රියදුරෙකු විසින් ඒම රථය පදවා ඇති අතර මෙම ලාංකික කතට ෂවර්මා නැමැති කෙටි ආහාරයක් ගැනීමට අවශ්‍ය වී ඇතැත් රියදුරු විසින් එය වළක්වාලීම නිසා ඇය මෙලෙස සියදිවි හානි කර ගැනීමට උත්සහ කර ඇත.
  
අනතුරට ලක්වූ කාන්තාව එම මෝටර් රථයෙන්ම රැගෙන ගොස් රෝහල් ගත කිරිමට අදාළ රියදුරා කටයුතු කර ඇති බවද සඳහන් වේ.
 
කෙසේ වෙතත් සියදිවි හානි කර ගැනිමට උත්සහ දැරිමේ චෝදනා මත ඇය සාජා පොලීසිය විසින් අත්අඩංගුවට ගෙන තිබේ.