එළැඹෙන සැප්තැම්බර් මස ශ්‍රී ලංකාවේදී පැවැත්වෙන විස්සයි/20 ලෝක කුසලාන ක‍්‍රිකට් තරගාවලිය සඳහා නම් කරන ලද 30 දෙනකුගෙන් සමන්විත ශ්‍රී ලංකා සංචිතයට දඟ පන්දු යවන ක‍්‍රීඩක අජන්ත මෙන්ඩිස් කැඳවා තිබේ. විස්සයි/20 පන්දු යවන්නන් අතරේ ලෝකයේ හොඳම පන්දු යවන්නා බවට කලක් පත්ව සිටි අජන්ත මෙන්ඩිස්, මාස හතක පමණ කාලයකට පසු නැවතත් ශ්‍රී ලංකා සංචිතයට එක්ව සිටියි. පිටකොන්දේ ආබාධයක් නිසා අජන්තට මෙම වසරේ ජනවාරී මස සිට ශ්‍රී ලංකා සංචිතයට එක්වීමේ අවස්ථාව අහිමිවිය. ඔහු අවසන් වරට විස්සයි/20 අන්තර්ජාතික තරගයකට සහභාගිවී ඇත්තේ පසුගිය වසරේ නොවැම්බර් මස පාකිස්තානයට එරෙහිව අබුඩාබිහිදීය. විස්සයි/20 තරග 21 කට සහභාගිවී කඩුලූ 40 ක් ලබා ඇති අජන්තට ලොව හොඳම විස්සයි/20 පන්දු යවන්නන් අතරේ දැන් හිමිව ඇත්තේ සිවුවැනි ස්ථානයයි. ජෙහාන් මුබාරක්ට නැවතත් ශ්‍රී ලංකා සංචිතයේ ස්ථානය හිමිවීම කැපී පෙනේ. ඔහු අවසන් වරට අන්තර්ජාතික තරගයකට සහභාගිවී ඇත්තේ 2009 වසරේදීය. 30 දෙනකුගෙන් සමන්විත ශ්‍රී ලංකා සංචිතය: මහේල ජයවර්ධන (නායක), කුමාර් සංගක්කාර, ඇන්ජලෝ මැතිව්ස්, නුවන් කුලසේකර, කෞෂාල් ලොකුආරච්චි, ලසිත් මාලිංග, උපුල් තරංග, රංගන හේරත්, ශාමින්ද එරංග, සුරාජ් රන්දිව්, කුසල් ජනිත්, ෆර්විස් මහරුෆ්, චාමර සිල්වා, කෝසල කුලසේකර, නුවන් ප‍්‍රදීප්, තිලකරත්න ඩිල්ෂාන්, දිනේෂ් චන්දිමාල්, ළහිරු තිරිමාන්න, තිසර පෙරේරා, සචිත‍්‍ර සේනානායක, චාමර කපුගෙදර, ඉසුරු උදාන, ජීවන් මෙන්ඩිස්, අජන්ත මෙන්ඩිස්, ධම්මික ප‍්‍රසාද්, ජෙහාන් මුබාරක්, තිළිණ කණ්ඩම්බි, ඩිල්රුවන් පෙරේරා, ප‍්‍රසන්න ජයවර්ධන සහ අඛිල ධනංජය