(යොහාන් භාසුර)

‘යුක්තිය’ පාතාලය සහ මත්ද්‍රව්‍ය මැඩලීමේ මෙහයෙුම යටතේ පසුගිය පැය 24 තුළ පොලිස් මත්ද්‍රව්‍ය නාශක සහ විශේෂ කාර්යංශයේ ලේඛනගත විශේෂ සැකකරු ලැයිස්තුවේ සිටි සැකකරුවන් තවත් 49 ක් අත්අඩංගුවට ගත් බවත් ඒ අනුව මෙම මෙහෙයුමේදී මේ වන විට විශේෂ සහකරුවන් 218 ක් අත්අඩංගුවට ගෙන ඇති බවත් මහජන ආරක්‍ෂක අමාත්‍යංශය පැවසීය.
මෙම සමස්ත මෙහෙයුමේදී අත්අඩංගුවට ගත් සැකකරුවන් 2,296 න් සැකකරුවන් 109 කට රැඳවුම් නියෝග ගෙන විමර්ශන කරන බවත් මෙම මෙහෙයුමේදී මේ වන විට හෙරොයින් කිලේ 1 යි ග්‍රෑම් 170 ක්, අයිස් මත්ද්‍රව්‍ය ග්‍රෑම් 648 ක්, ගංජා කිලෝ 11 යි ග්‍රෑම් 600 ක්, මාවා නැමැති මත්ද්‍රව්‍ය කිලෝ 46 ක් යි ග්‍රෑම් 285 ක් සහ මත්පෙති 19,507 ක් ඇතුළු සෙසු මත්ද්‍රව්‍ය  විශාල ප්‍රමාණයක් අත්අඩංගුවට ගත් බව කියන මහජන ආරක්‍ෂක අමාත්‍යංශය ගංජා පැල එක්ලක්ෂ විසිහය දහකට වැඩි ප්‍රමාණයක් ද අත්අඩංගුවට ගත් බව ද වැඩි දුරටත් සඳහන් කළේය. 

වැඩබලන පොලිස්පති දේශබන්දු තෙන්නකෝන් මහතාගේ සෘජු අධීක්‍ෂණයෙන් මෙය ක්‍රියාත්මක වේ.