ලන්දේසි පැහැරගත් තවත් කෞතුක භණ්ඩ රැසක් ආපසු දෙයි

(ටී.කේ.ජී.කපිල)

වර්ෂ 1756 දී ආක්‍රමණික ලන්දේසීන් විසින් මහනුවර රජ මාළිගාවට පහර දී පැහැර ගත් මගුල් කඩුව , ලෙව්කේ මහ දිසාවගේ කාළතුවක්කුව ඇතුළු කෞතුක භාණ්ඩ 06 ක් අද අලුයම යළිත් නෙදර්ලන්තයේ සිට ශ්‍රී ලංකාවට රැගෙන ආවේය.

එසේ රැගෙන විත් තිබූ කෞතුක භාණ්ඩ අතර කීර්ති ශ්‍රී රාජසිංහ රජතුමාගේ මගුල් කඩුව , රජතුමාට අයිති රිදී කස්තානය , රජතුමාගේ රන් පිහිය ලෙව්කේ මහ දිසාවගේ කාළතුවක්කුව , සහ මහ තුවක්කු දෙකක් විය .

මෙම කෞතුක භාණ්ඩ අද අලුයම 05.05 ට ජර්මනියේ ෆ්‍රෑන්ක්පර්ට් නුවර සිට ශ්‍රී ලන්කන් ගුවන් සේවයේ යූ.එල්.- 554 දරන ගුවන් යානයෙන් කටුනායක ගුවන් තොටුපොළ වෙත රැගෙන විත් තිබුණි .

මෙම කෞතුක භාණ්ඩ භාර ගැනීම සදහා බුද්ධ ශාසන , ආගමික සහ සංස්කෘතික කටයුතු අමාත්‍ය විදුර විකවික්‍රමනායක , ශ්‍රී ලංකාවේ නෙදර්ලන්ත තානාපතිනිය බොනී හෝබාච් ( Bonnie Horbach ) , බුද්ධ ශාසන ආගමික සහ සංස්කෘතික අමාත්‍යාංශයේ ලේකම් සෝමරත්න විදානපතිරණ , එම අමාත්‍යාංශයේ අතිරේක ලේකම් තිලක් නන්දන හෙට්ටිආරච්චි , ජාතික කෞතුකාගාර දෙපාර්තමේන්තුවේ අධ්‍යක්ෂ ජනරාල් සනූජා කස්තුරිආරච්චි , කොළඹ ජාතික කෞතුකාගාර අධිකාරී රංජිත් හේවගේ , ශ්‍රී ලංකා විදේශ කටයුතු අමාත්‍යාංශයේ සහකාර ලේකම් ශ්‍රී .රජීව් යන මහත්ම මහත්මීන් පිරිසක් කටුනායක ගුවන් තොටුපොළ වෙත පැමිණ සිටියහ .

මෙම කෞතුක භාණ්ඩ පිළිබඳ තොරතුරු ඇතුළත් ලිපිගොනුව ශ්‍රී ලංකාවේ නෙදර්ලන්ත තානාපතිතුමිය අමාත්‍ය විදුර වික්‍රමනායක මහතා වෙත භාර දුන් අතර පසුව එය අමාත්‍යවරයා ජාතික කෞතුකාගාර දෙපාර්තමේන්තු අධ්‍යක්ෂවරිය වෙත භාර දීම සිදු කෙරුණි .

අදහස් (8)

ලන්දේසි පැහැරගත් තවත් කෞතුක භණ්ඩ රැසක් ආපසු දෙයි

G. K. Ekanayake Wednesday, 29 November 2023 10:20 AM

නෙදර්ලන්තයේ තිබුණා නම් මේවා තවත් බොහෝ කලක් සුරක්ෂිතව තිබෙන්නට හැකියාව තිබුණා. මෙහේ ගෙනාවාට පස්සේ ඕවාට ඩුප්ලිකේට් තියලා ඔරිජිනල් අපනයනය වේවි...!

: 2 22

සිසිර Wednesday, 29 November 2023 10:51 AM

හොඳ වැඩක්. අර ඉංග්‍රීසි කාරයෝ අරං ගිය අපේ පුස්කොළ පොත් නැව් ගේන්න බලමු. අපේ වැළලුණු දැනුම ඒ වගේ තියෙන්නේ...!

: 6 11

Kumara Wednesday, 29 November 2023 11:07 AM

මොකට මෙහාට ගෙනාවාද? වැඩි දවසක් යන්න කළින් ඕවත් මේ අය විකුණගෙන කනවා.

: 2 22

දයාසේන Wednesday, 29 November 2023 03:42 PM

එතකොට ස්වදේශිකයින් පසුගිය කාලයේ පැහැර ගත්තු ඒවාට මොකෑ කොරන්නේ ඒවා හම්බුවුනැයි...

: 0 8

චන්දිම ෆොන්සේකා Wednesday, 29 November 2023 04:11 PM

එදා නූතන මහරජාණන්ගේ කෙනෙක්ගේ කාලේ සි.සි.ටී.වි. කැමරා නිමා දාලා කටුගේ බිඳලා අපි පොඩි කාලේ ඉඳන් දැකලා තිබුණු එහි තිබූ පුරාණ කඩු, මුතු මැණික් ඔබ්බපු ආභරණ, ඔටුනු ඇතුළු තවත් මිලකළ නොහැකි ඉතා වටිනා ජාතික පුරා වස්තුන් රාශියක් ඉතා සංවිධානාත්මකව හොරකම් කරගෙන ගියා. කිට්ටුව හතර වටේ පොලිස් ස්ථාන තිබුණත් මොකද වුනේ කියලා රටේ ජනතාව එදා දැනගෙන හිටියේ නැහැ. අන්තිමේදී කොහෙද හිටපු කන්ගැට්ටා කවුද මිනිහෙක් තමා ඕක කලේ කියලා ඔක්කෝම ඒ මිනිහා පිට දාලා අන්තිමට ඔක්කොම ලිස්සලා අමතක කරලා දැම්මා. පුරාවස්තු හොරකම් කරගත්තු අය ඔක්කෝම ටික අරගත්තා. මිනිස්සු පස්සේ තේරුම් ගත්තා මොකද්ද වෙන්න ඇත්තේ කියලා. ඒත් ඉතින් මිනිස්සුන්ට කරන්න දෙයක් නැහැ මොකද පස්සේ කවුරු බලයට ආවත් දෙගොල්ලන් එකම කාසියේ දෙපැත්ත නිසා හොරු ආරක්ෂා වුණා. හැබැයි ඔය කරපු අපරාධය කරපු එවුන්ට ගැලවීමක් නැති සාපය නම් වෙන්න පටන් අරන්. ඉස්සරහට තවත් සාපය වැඩිවේවි. මේ පුරාවස්තු වලටත් කවදා හරි ඔය ඉරණමම වේවිද?

: 1 12

Indika Wednesday, 29 November 2023 07:57 PM

කඩුව කීයක් වෙයිද දන්නේ නෑ නේද?

: 0 0

Bamunuarachchi Wednesday, 29 November 2023 09:02 PM

දැන් කට්ටිය බෙදාගනීවී. රජගෙදර පදිංචි වෙච්චි අයිස්ක්‍රීම් නෝනා රජගෙදරින් යනකොට තිබුණු පැරණි බඩු අරන්ගියා කියලා කථාවක් ඒ කාලේ තිබුණා කියලා මට ඇහිලා තිබෙනවා...

: 0 0

ගමේ එකාලා Thursday, 30 November 2023 03:19 AM

කටුගෙයි වටිනා පුරාවස්තු අතුරුදහන් කරවපු උන්ගෙන් පරිස්සම් කරගන්න එක තමා ප්‍රශ්නේ ? රටම හොරාකාලා විනාශ කරපු උන් තමා අපේ රටේ ඉන්නේ ?

: 0 1

ඔබේ අදහස් එවන්න

එසැණ පුවත්

මා - පිය වලියට දැරිය දිවි පුදයි

2024 මැයි මස 03 480 0

මාස දෙක හමාරක් වයසැති බිලිඳියකගේ සිරුරක් කල්පිටිය කන්දකුඩාව ගම්මානයේ නිවසක පිටුපස ළිඳේ පාවෙමින් තිබියදී සොයාගත් බව කල්පිටිය පොලිසිය පවසයි.

මේ වසරේ දෙවන පාසල් වාරය අදින් අවසන්

2024 මැයි මස 03 269 0

2024 වසරේ පාසල් පළමු වාරයේ දෙවැනි අදියර අදින් අවසන් වන බව අධ්‍යාපන අමාත්‍යංශය පවසයි.

හදන දුම්රිය මගේ අනාරක්ෂිත ගමනින් සිසුවෙක් මරුට

2024 මැයි මස 03 516 0

ගල්ගමුව ඉන්ධන පිරවුම්හලම පිටුපස ප්‍රතිසංස්කරණය කරන දුම්රිය මාර්ගයේ ගමන් ගත් යතුරුපැදියක් එහි ඇළක් තුළට වැටීමෙන් පාසල් සිසුවෙකු මිය ගොස් තවත් දෙදෙන

පළාත් තුනකට අදත් වැස්ස

2024 මැයි මස 03 45 0

බස්නාහිර, සබරගමුව, සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් පස්වරු 2.00 පමණ පසු ස්ථාන ස්වල්පයකට වැසි හෝ ගිගුරුම් සහිත වැසි ඇති වේ.

ආසියා කැරම් අනු ශූරයෝ දිවයිනට

2024 මැයි මස 03 114 0

06 වන ආසියානු කැරම් අනු ශූරතාවය දිනා ගනිමින් රිදී පදක්කමත්, කාන්තා යුගළ තරගාවලියෙන් ලෝකඩ පදක්කමත් , පිරිමි කණ්ඩායම මෙම තරගාවලියේ තුන් වන ස්ථානයත් දිනා

නිදාසිටියදී මරා දමලා

2024 මැයි මස 03 227 0

නෙදුන්කේනි කිරිසුඩ්ඩාන් ප්‍රදේශයේ නිවෙසක නිදාගෙන සිටි පුද්ගලයකුට කිසියම් පුද්ගලයකු හෝ කීපදෙනකු ආයුධයකින් හිසට පහර දී ඝාතනය කර ඇති බව නෙදුන්කේනි පො