ශ්‍රී ලාංකික ඉංජිනේරුවන් හා ශ‍්‍රමිකයන් විසින් නිපැදවුණු සිව්වැනි රුවල් යාත‍්‍රාවද වැලිගම මුහුදු තීරයෙන් දියත් කැරිණි. කොග්ගල නිදහස් ආයෝජන කලාපයේ නිෂ්පාදිත මේ රුවල් නැවේ උස මීටර පහකි. රුවල් කඳ මීටර 20කි. දිග මීටර 15.8කි. අවරේ පළල මීටර 8.3කි. යුරෝපීය ප‍්‍රමිතියේ පයිබර් ග්ලාස්වලින් නිෂ්පාදිතය. බර ටොන් 12කි. නිදන කාමර හතරකි. සිවු දෙනකු සඳහා මාසයකට ආහාර ගබඩා කළ හැකිය. විදුලිය සූර්ය තාපයෙනි. පානීය ජලය මුහුදු වතුරෙන් පෙරාගනී. පැයට නාවික සැතපුම් 22ක වේගයෙන් රුවලෙන් යාත‍්‍රා කළ හැකි මේ නැවේ ඞීසල් ඇන්ජින් දෙකක්ද ඇත. තිස්ස ජිනසේන හා ඉංජිනේරු චමින්ද සංජීවගේ නායකත්වයෙන් තිස් දෙනෙක් මේ නැව තැනූහ.