( තිළිණි ද සිල්වා සහ රංජන් කටුගම්පොළ) 

අභියාචනාධිකරණය ලබා දුන් නියෝගය බලරහිත කරන ලෙස ඉල්ලා හිටපු ,පාර්ලිමේන්තු මන්ත්‍රී රිෂාඩ් බදියුදීන් ශ්‍රේෂ්ඨාධිකරණය හමුවේ ගොනු කළ විශේෂ අභියාචන පෙත්සම පෙබරවාරි 03 වැනිදා විභාග කිරීමට ශ්‍රේෂ්ඨාධිකරණය අද (22) දින නියම කළේය.

විල්පත්තු වන රක්ෂිතයේ භූමිය එළි පෙහෙළි කර ජනාවාස ඇති කළ ප්‍රදේශයට සමාන වපරිසයක තම පෞද්ගලික වියදමින් යළි වන වගාවක් කරන ලෙසට අභියාචනාධිකරණය ලබා දුන් නියෝගය බලරහිත කරන ලෙස ඉල්ලා මෙම පෙත්සම ගොනු කර ඇත.

මෙම පෙත්සම මුර්දු ප්‍රනාන්දු සහ එස් තුරෙයි රාජා යන මහත්ම මහත්මීන් ගෙන් සමන්විත ශ්‍රේෂ්ඨාධිකරණ විනිසුරු මඩුල්ල ඉදිරියේ අද කැඳවූණි.

ඒ අනුව අදාළ පෙත්සම විභාගය සඳහා පෙබරවාරි මස 03 වනදා කැඳවීමට එහිදී විනිසුරු මඩුල්ල නියම දින නියම කෙරිණිත

හිටපු අමාත්‍ය රිෂාඞ් බදුර්දීන් මහතා විසින් ගොනු කළ මෙම පෙත්සමේ වගඋත්තරකරුවන් ලෙස පාරිසරික යුක්ති කේන්ද්‍රය , වන සංරක්ෂණ අධ්‍යක්ෂ ජනරාල් , මධ්‍යම පරිසර අධිකාරිය,වන ජීවී අධ්‍යක්ෂක ජනරාල් , ඉඩම් කොමසාරිස් ජනරාල් , පුරාවිද්‍යා කොමසාරිස් ජනරාල් , මන්නාරම දිස්ත්‍රික් ලේකම් , පරිසර හා මහවැලි සංවර්ධන අමාත්‍යවරයා සහ නීතිපති නම් කරනු ලැබ සිටිති.