(චාපා මධුභාෂිණි)

වගා බිම්වලට අවශ්‍ය රසායනික පොහොර ඉල්ලා රොටවැව ප්‍රදේශයේ ගොවීහු පිරිසක් අද දින ගල්ඔය - මින්නේරිය මාර්ගයේ විරෝධතාවයක නිරත වූහ.

මෙවර මාස් කන්නය ආරම්භ කිරීමට අවශ්‍ය ප්‍රමිතියෙන් යුත් පොහොර ඉතා ඉක්මනින් ලබා දෙන්නැයි ඔවුහු ඉල්ලා සිටියහ.

පොහොර ලබා දීම ප්‍රමාද කිරීම හේතුවෙන් ඔවුන්ට කන්නය ප්‍රමාද වන බවත් ඒ් හේතුවෙන් වගාවන්ට ලෙඩ රෝග වැලදීමේ වැඩි ප්‍රවනතාවයක් ඇති බවද ඔවුන් වැඩිදුරටත් කීය.

රොටවැව ඒ්කාබද්ධ ගොවි සංවිධානයේ රොටවැව, මාතලාවැව, කදුරුගස්වැව ගාවි ඒකමුතුවේ ගොවීන් 300 වැඩි පිරිසක් ඒකතුවිය.

විරෝධතාකරුවෝ කෘෂිකර්මාන්තයේ මළගම උදා වූ බවට සටහන් කළ මිනී පෙට්ටියක් විරෝධතාවය සමග කර තබා ගෙන ගොස් වගා බිමක දමා ගිණි තබමින් සිට අප්‍රසාදය ප්‍ර‍කාශ කළහ