රැකියා නැති උපාධිධාරීන් බඳවා ගන්න හරි වැඩපිළිවෙළක් ඉල්ලයි

සියල්ලටම පෙර මෙම උපාධිදාරින්ට, සේවය ලබා ගැනීමට එන මහජනයාට ආචාරශීලිව කතා කරන අයුරු පුහුණුවක් දිය යුතුයි. තමන් පමණක් උගත් යයි සිතාගෙන ඉහ නිකට පැහුණු වැඩිහිටියන්ගේ පවා ඇඟට ගොඩවෙන පත්වීම් නම් නැතිවට කාරි නැහැ. මහජන සේවයේදී ආචාරශීලිව සුහදව කටයුතු කිරීම ඉතා වැදගත්. මේ කාරණාවද රැකියාවකට අත්‍යාවශ්‍ය කුසලතාවක් බව උපාධිදාරීන් වටහා ගත යුතුයි.

මේ උපාධිධාරී බඳවා ගැනීම නම් රජය තනිකර අච්චාරුවක් කරගෙන තියෙන්නේ. සංවර්ධන නිලධාරී සේවය (බඳවා ගැනීම, මාරු කිරීම්, උසස් කිරීම් ඇතුලත්ව) අයත් වන්නේ රාජ්‍ය පරිපාලන හා කළමනාකරණ අමාත්‍යංශයට... අයැදුම්පත් කැඳවන්නේ ජාතික ප්‍රතිපත්ති හා ආර්ථික කටයුතු අමාත්‍යාංශයෙන්, සම්මුඛ පරීක්ෂණ පවත්වන්නේ ස්වදේශ කටයුතු අමාත්‍යාංශයෙන්... අයැදුම්පත් කැඳවන්නේ අවු 1ක පුහුණු කාලයක් කියලා. සම්මුඛ පරීක්ෂණයේදී අවු 2ක පුහුණු කාලයක් වෙලා. කලින්ට වඩා වෙනස්ම විදියකට සංවර්ධන නිලධාරීන්ට ලකුණු දෙන ක්‍රමවේදය හැදුනේ කොහොමද? මේවා එකක් කළත් නුසුදුස්සෙක් වෙනවා රැකියාව ලබන්න. අවුරුදු ගාණක් කිසිම දෙයක් නොකර පිනට ජොබ් එක ලැබෙනකන් උඩ බලන් හිටිය අයට විතරයි ජොබ් එක ලැබෙන්නේ. උත්සාහයෙන් ගාමන්ට් ජොබ් එකක්හරි කල කෙනාට හුළං...

ඕනෑම රැකියාවක් දිය යුත්තේ තිබෙන නියමිත ස්ථානයට නියමිත පුරප්පාඩු සංඛ්‍යාව, තනතුරේ ස්වභාවය අනුව අවශ්‍ය සුදුසුකම් තිබේද, බලා නිවැරදි කාලයේදී පමණයි. මේ විදියට උපාධියක් තිබෙන නිසා අනිවාර්යයෙන්ම රැකියාවක් දිය යුතුයි යන මානසිකත්වය නිසා නිකම්ම නිකම් පින්පඩි දීමකින් රජයට බරක් වීම තමයි වෙන්නේ.

ගෙදර නිකම් එන්නේ නැතිව කුසලතාවය වර්ධනය කර ගත්තා නම් වැඩේ හොඳයි.

අදාළ පුරප්පාඩුවට සරිලන අත්‍යාවශ්‍ය රැකියා කුසලතා, රැකියාව ඉල්ලුම් කරන විටම තිබේද බලන්න. අනෙක ඒවා පුහුණු කරන්න කියමින් අවුරුදු ගණන් පඩි ගෙවන්නේ මහජන බදු මුදල් වලින් නේද? මෙතන නිකම් නාස්ති කරන්න මුදල් හෝ කාලයක් නැහැ. රටේ ආර්ථිකය අමාරුවේ වැටිලා තිබෙද්දී මොකද මේ පුද්ගලික අංශයේ රැකියාවකට යන්නේ නැත්තේ? ඒවායේ අයිස් ගහන්නයි, වැඩ පෙන්වන්නේ නැතිව ප්‍රතිලාභ ගන්නයි බැහැනේ.!

උපාධියක් තිබුණු පලියට රස්සාවේ සිට පරස්ථාව වෙනකම් මහජන මුදලින් ගෙවනවා නම් හොඳයි තමයි. මේ අකාර්යක්ෂම රාජ්‍ය සේවාව නිසා රට වැටිලා තිබෙන අගාධය තවමත් පෙන්නේ නැති හැටි! එක පුද්ගලයෙකුට කරන්න හැකි වැඩකට කිසිම වැඩකට නැති පස් දෙනෙකු පත් කර, සේවක අතිරික්තයක් හදලා තව අමාරුවේ වැටෙනවා.

උපාධිය තිබූ පමණින් රජයේ රැකියාවක් දිය යුතුයි යන්න කිසිම දියුණු රටක භාවිතයේ නැති ක්‍රියා පටිපාටියකි. ඇතැම් උපාධිදාරීන්ට රැකියාවට අත්‍යවශ්‍ය කුසලතා කිසිවක් නැතිඅතර එ්කට වන්දි ගෙවන්නේ ඔවුන්ගෙන් රාජකාරියක් කරවා ගැනීමට පැමිණෙන ජනතාවයි.

මොවුන්ගේ ගොඩ දෙනෙක් පුද්ගලික ආයතන වල වැඩ කරන බව ඔබ දන්නවද? ඔවුන් ඒවා දාලා ගියාම පුද්ගලික ආයතන බොහොමයක් අනාථ වෙනවා. මේ පත්වීම්වලට විරෝධතා දක්වන්න කැමති අයටත් ඊට ක්‍රමයක් කියලා දෙන්න පුළුවන්ද?

මේ අයට රැකියා ලබාදෙන්න රජය බැදී සිටින්නේ ඇයි. නැති පුරප්ප්පාඩු ඇති කර, රජයේ ආයතන බංකොලොත් කරන්න එපා. හෝඩියේ පටන් විශ්ව විද්‍යාලය දක්වා නොමිලේ අධ්‍යාපනය ලබා දී, තව දුරටත් ඔවුන්ගේ වගකීම් බාරගන්න කිසිම රජයක් බැදී සිටින්නේ නෑ.

නිදහස් අධ්‍යාපනය පටන් ගත්තු කාලේනේ ඕක කරන්න තිබුනේ.