මහරජ ගැමුණූගේ ලිය වැනුම

මේක තියෙන බර වචන තේරෙන්නේ නෑ අපිට තේරෙන භාෂාවෙන් ලිව්වා නම් තමා හොඳ

අපගේ චින්තන වින්දන ශක්තිය දියුණු කරන විශිෂ්ට ගීත විචාරයක්. ඇතැම් භාෂාප්‍රේමින් වචනයක් අල්ලාගෙන බොරුවට උඩ පනිනවා. බලන්න ශෂී ප්‍රභාත් මහත්තයා මොනතරම් අපුරුවට මේ ගීතය ගැන රසවින්දන විචාරයක් ලියලා තිබෙනවද? (නි)

සුදුර්ලභ යනුවෙන් වචනයක් සිංහල භාෂාවට අයිති නැත. එය වාත්තුකරුවකුගේ විකෘර්තියකි. සැබෑ වාත්තුකරුවකුටත් නියරක් ඇත. මේ වාත්තුකරු ඉබාගාතේ යන්නෙකි. භාෂා නාශකයෙකි. සු උපසර්ගය යෙදෙනුයේ පදයක ගුණය වැඩි කිරීම සඳහාය. දු යෙදෙනුයේ එහි විරුද්ධාර්ථය දැක්වීම සඳහාය. සුලබ, දුලබ නිදසුන්ය. සුදුලබ යන වචනය නිදර්ශනයක් ලෙස ගත හැකිද? අතීත සාහිත්‍යකරුවන් ගෙන ඇත්ද? සුදුර්ලභ යන වචනයත් සුදුලබ යන්නට සමාන පදයකි. උපසර්ග යෙදිය යුත්තේ අර්ථයට ගැලපෙන ආකාරයෙනි. පැරණි පඬුවෝ එය කළහ. වත්මන් පණුවෝ එය නොදැන කරති. මුණිදාස කුමාරතුංග, ආ.දෝ.චන්ද්‍රසේකර, අ.ආ.ගුණතිලක, විනී විතාරණ, රැපියෙල් තෙන්නකෝන් වැනි හෙළ හවුලේ වියතුන් මෙවැනි ‘සුදුර්ලභ‘ වැනි වචන යොදා ඇති එකම තැනක්වත් පෙන්විය හැකිද?

මහාචාර්ය සුචරිත ගම්ලත්ගෙන් පසු ලියවුණ හොඳ විචාරයක්. මොහුගේ හරබර විචාරයක් යළි දැකීම සතුටක් (නි)

සිංහල ගීතයක් ගැන කාලෙකින් දැකපු හොඳ විචාරයක්. සුබාවිත ගීත පිළිබඳ අද කාලේ කතාබහක් නැහැ. (නි)

හොඳ විචාරයක්. දිගටම මෙබඳු ගීත විචාර පළකරන්න (නි)

හරිම ලස්සනයි. (නි)

මහගම සේකරගේ සාධනීය පදවැලක්. අමරදේවයානන්ගේ මියුරු හඬට මුසුවූ කදිම අවස්ථාවක්. මේ ගීතය දශක ගණනාවක් රසික හදවත් පිනවූ ගීතයක්. කාලෙකින් දුටු අපුරු විචාරයක්. මේ විචරකයාට හොඳ විභවයක් තිබෙනවා. ඔහුගේ බස අනර්ඝ බව අමුතුවෙන් කිවයුතු නොවේ. දිගටම මෙබදු ගීත විචාර පළ කරනු මැනවි. (නි)

සිංහල සංස්කෘත මිශ්‍ර රමණිය බසකින් ලියා ඇති කදිම ගීත විචාරයකි. ලංකාදීප වෙබ් අඩවියට අපගේ ප්‍රණාමය! (නි)

ගීතයක රසවින්දන සටහනක් මෙසේ වචනයක් අල්ලාගෙන හෑල්ලුවට ලක්කිරීම හාස්‍යජනකය. (නි)

ඉහළින්ම අගය කරමි (නි)

‘නරත්වං දුර්ලභං ලෝකේ - විද්‍යා තත්‍ර සුදුර්ලභං

කවීත්වං දුර්ලභං ලෝකේ - ශක්ති ස්තත්‍ර සුදුර්ලභං‘

අග්නි පුරාණයේ එන ශ්ලෝකයකි. සුදුර්ලභං වූ කලී සංස්කෘත වචනයකි. එය හෙළ හවුලේ පඬුවන් භාවිත නොකළද වෙනත් විද්වතුන් බොහොමයක් භාවිත කළ වචනයකි. (කෞ)

විරුද්ධ උපසර්ග පද දෙකක් එකට යෙදීම සිංහල භාෂාවේ නැති තරම්ය. උපසර්ගයක් පාවිච්චි කරනුයේ වචනයක තේරුම වඩාත් පැහැදිලි කිරීම සඳහාය. පැහැදිලි කිරීම යන වචනය ඉදිරියේ ‘සු‘ යන උපසර්ගය යෙදීම ඊට නිදසුනකි. එහෙත් දුර්ලභ යන විරුද්ධාර්ථ පදයට සු උපසර්ගය යොදන අවස්ථා සිංහල භාෂාවෙන් පෙන්වීමට නොහැකි වී ඇත. සංස්කෘත භාෂාවේ එවැනි වචනයක් ඇතැයි සඳහන්වේ. මේ ලේඛකයා සංස්කෘත භාෂාවෙන් ලේඛන ඉදිරිපත් කර ඇත්දැයි අපි නොදනිමු. එසේ නම් ඔහු එම වචනය ගැන ලියා ඇති දේ දැන ගැනීමට අපි කැමැත්තෙමු. ඔහු කියන විදියට ඔහුගේ සංස්කෘත ක්‍රමය අනුව අප විසින් සැකැසුණු මෙම පදවල තේරුම අපට තේරුම් කළ හැකිද ? උදා- සුකුප්‍රකට, සුදුගඳ, සුවිරූපී, සුදුදන, සුදුර්ලබ්ධිත, සුදුක්ඛිත, සුදුර්වර්ණ, සුදුරාවබෝධ, සුදුපිළිපන්, සුකුමන්ත්‍රණ, සුදුර්විපාක. අප මේ නිදසුන් දක්වන්නේ ඔහු කියන ක්‍රමයේ ඇති බරපතල දෝෂයක් පෙන්වා දීම සඳහා මිස ඉහත සඳහන් වචන අපේ භාෂාවට එක් කිරීමට නම් නොවේ. (බ)

ඉතාම අගනා විචාරයක්.(බ)

සුදුර්ලභ යන වචනය සොයා ගත්තේ කොහෙන්ද? මෙවැනි වචනයක් තිබේනම් පැරණි නිදර්ශනයක් හෝ පෙන්වා දෙන්නේ නම් මැනවි.

හැම වචනයකටම උපසර්ග යොදා ලියන සිරිතක් නැති බව මට වඩා නවරත්න මහතා හොඳින් දනී.ඔහු පෙන්වාදෙන උදාහරණවලට උපසර්ග නොයදන බව කිව යුතු නොවේ මේවා තර්ක නොව ඉල ඇදෙන විහිළුය.සිංහල ශිලා ලිපි (පොළොන්නරු යුගය) යුගයේ සිට මහනුවර යුගය දක්වා තිබු ගද්‍ය සාහිත්‍යට සංස්කෘත අභාෂයක් තිබී ඇත. මේවා නොදැන සිටීම අභාග්‍යකි.සිංහල බස සංස්කෘත මෙන්ම දෙමළ බසිනුත් පොහොණි වුණු බසකි.සිංහල-සංස්කෘත මිශ්‍ර බසකින් ලිපියක් ලිවීමට අවසර ගත යුතුද? හෙළ හවුලේ ජිවතුන් අතර සිටි අවසන් පඬුවන් දෙදෙනා වන අරිසෙන් අහුබුදු සහ අනඳපිය කුඩාතිහි ද මම ඇසුරු කොට ඇත්තෙමි. (ම) .

මෙවන් ලිපි තවත් ඉදිරිපත් කරන්න (නි)

හරිම හොඳයි. ඉහළින්ම අගය කරනවා (නි)

මියුරු ගී දැහැනක්. අර්ථවත් පදවෙලක් සමග ඇමිණිනු රස පිරි ස්වර මාලාවකට එක්වුණු ස්වර්ණමය හඬ, මාස්ටර් පණ්ඩිත අමරදේවයන්ගේ. භාෂාවේ ඇතියි පවසන හිදැස් ගැන පමණක්ම දොඩවන්නේ අනබිබවනිය ස්වර රටාවකින් සහ භාවාත්මක හඬකින් නිමවී එන අගය තේරුම් ගැනීමට නොහැකි හෝ එය අගය කිරීමට තරම් නිහතමානිත්වයක් නොමැති වුන් විය යුතුය. (කෞ)