මහරගම නගරයේ පිහිටි රෙදිපිළි වෙළෙඳහලක අද සවස ඇති වූ ගින්නක් නිවීමට දෙහිවල ගල්කිස්ස සහ කෝට්ටේ නගර සභාවේ ගිනි නිවන හමුදාව දැඩි ප්‍රයත්නයක් දැරීමට සිදුවිය.

මහල් පහකින් යුත් එම ගොඩනැගිල්ලේ තෙවන මාහලයේ මෙම ගින්න හටගෙන ඇති බවත් මේ හේතුවෙන් මහරගම දැඩි වාහන තදබදයක් ද පවතින බවත් පොලිසිය සඳහන් කරයි.
ගින්නට හේතුව විදුලි කාන්දුවක් විය හැකි බව පොලිසිය සැකකරයි. ගින්නෙන් කිසිවකුටත් හානියක් සිදුවූ බව වාර්තා වී නොමැත.