(රංජන් කස්තුරි)
 
මහනුවර ඇතිවු ගැටුම පිටුපස එක්තරා දේශපාලන පක්ෂයකට අයත් පිරිසක් සිටින බව හෙළිවී ඇතැයි  කැබිනට්  ප්‍රකාශක ඇමැති  රාජිත සේනාරත්න මහතා  කොළඹ රජයේ ප්‍රවෘත්ති දෙපාර්තමේන්තුවේ  අද (07)  පැවැති ප්‍රවෘත්ති සාකච්ඡාවකදී පැවසීය.

උඩරට ප්‍රදේශයේ  පාර්ලිමේන්තු මන්ත්‍රීවරයෙක්ල තවත් පාර්ලිමේන්තු මන්ත්‍රීවරයකුගේ ලේකම්වරයෙක්ල පළාත් පාලන මැතිවරණයෙන් තේරිපත්ව සිටින පුද්ගලයින් දෙදෙනෙක්  සහ භික්ෂුන්වහන්සේ නමක්ද  මෙම ගැටුම් මෙහෙයවා තිබෙන බවට කරුණු හෙළි වී ඇතැයිද අමාත්‍යවරයා සඳහන් කළේය.

කෙසේ වෙතත් මේ වන විට එම ගැටුම්වලට සම්බන්ධ පුද්ගලයින් 24 දෙනකු අත්අඩංගුවට ගෙන සිටින අතර ඔවුන්ගෙන් සිදු කළ ප්‍රශ්නකිරීම් වලදී තව තවත් තොරතුරු අනාවරණය වෙමින් පවතින බවත් ඒ අනුව දේශපාලන පක්ෂයක සම්බන්ධතාවක් හෙළිදර වී ඇතැයිද අමාත්‍යවරයා සඳහන් කළේය.


එසේම එම දේශපාලන පක්ෂය කුමක්ද යන්න පිළිබඳව ඉදිරියේදී හෙළිදරව් කරන බවද අමාත්‍යවරයා පැවසීය.