(සමන් විජය බණ්ඩාර)

මාවනැල්ල ප්‍රාදේශිය සභාවේ උපසභාපති ඇතුලු එම සභාවේ පොදුජන පෙරමුණ මන්ත්‍රීරුන් දෙදෙනකු අද (10 ) අත්අඩංගුවට  ගත් බව මාවනැල්ල පොලිසිය කියයි.

පසුගිය 03 වැනි දින මාවනැල්ල මේඩෙරිගම විද්‍යාලයේ ගුරු දෙමාපිය විරෝධයට බාධා කොට මැර තර්ජනය සිදු කර ඇතැයි කියන සිදුවීමක් සම්බන්යෙන් ඔවුන් අත්අඩංගුවට ගෙන තිබේ.

පොලිසිය පැවසුයේ අදාල උපසභාපතිවරයා සම්බන්ධයෙන් උසාවියට කරුණු වාර්තා කර ඉදිරි නිතීයමය ක්‍රීයා මාර්ග ගන්නා බවයි.

එනමුත් ගුරුවරුන් පවසා සිටියේ ඒ සඳහා නිතීය ක්‍රීයාත්මක නොවුන බවයි. ඊට පසුව ඊයේ 09  මාවනැල්ල කලාපයේ සියලු පාසල් වසා දමා ගුරුවරුන් යලිත් මාවනැල්ල නගරයට පැමිණ උප සභාපතිවරයා ඇතුලු මන්ත්‍රීවරුන් දෛනා අත්අඩංගුවට ගන්නා ලෙස දෙවැනි වරත් මාවනැල්ල පොලිසිය වටලා විරෝධතාවයක නිරත වූහ.

ඒ අනුව අද  මාවනැල්ල පොලිසිය විසින් උප සභාපතිවරයා ඇතුලු කණ්ඩායම අත්අඩංගුවට ගෙන ඇති අතර පොලිසිය පැවසුයේ ඔවුන් අද දිනයේ අධිකරණය වෙත ඉදිරිපත් කරන බවයි.