මොරටුවේ ප්‍රේම් ළමා නිවාසයේ පාලිකා මේරි එළිසැබෙත් නිදහස් කරන ලෙස නියෝග කළ කොළඹ අතිරේක මහේස්ත්‍රාත් ඉවොන් ප්‍රනාන්දු මහත්මිය ළමා අපචාර පරීක්ෂණ පරෙස්සමෙන් හා විධිමත්ව කරන ලෙස ජාතික ළමාරක්ෂක අධිකාරියට අවවාද කළාය. ළමයින් විකිණීම හා ළමයින් අපචාරයට යොදා ගත්තැයි පාලිකාවට එරෙහි චෝදාන දෙකෙන්ම ඇය නිදහස් කැරිණි. පාලිකාව වෙනුවෙන් පෙනීසිටි නීතිඥ නෙවිල් අබේරත්න මහතා කියා සිටියේ ළමාරක්ෂක අධිකාරියේ සභාපතිනිය ඉවක් බවක් නැතිව කළ සෝදිසියෙන් අස්ථාන චෝදනා නඟා එම ආයතනයට විශාල අපකීර්තියක් ගෙනදුන් බවයි. රොහන් පුෂ්පකුමාර නමැත්තාට එරෙහි පැමිණිල්ල ලබන 19 වැනි දාට කල් තැබිණි.