මෙරට දේශපාලකයන් මේ රටට සිදු කර ඇති මහා විනාශය දෙස බලන විට  එල්.ටී.ටී.ඊ නායක ප්‍රභාකරන් රටට සිදු කළ විනාශයට එය දෙවැනි නොවන බව මිහින්තලා රජ මහා විහාරාධිපති පූජ්‍ය වලවාහැංගුණවැවේ ධම්මරතන හිමිපාණන් පැවසූහ.

2025 වෙන කොට ශ්‍රී ලංකාවේ මිනිස්සුන්ට කන්න  නැතුව දරුණු හා ආහාර හිගයකට මුහුණ පාන්න සිද්ධ වෙනවා කියලා පිටරට සංවිධායක් හෙළි කරලා.

එත කොට මේ අයට ආධාර ගන්න පුළුවන්, සුනාමි සල්ලිවලට මොකද වුණේ, කොවිඩ් අරමුදලට මොකද උනේ? ඒව ජනතාවට දුන්නද නැහැ.

මේ රටේ ජනතාවට මෙතරම් හිංසාවක්, පීඩාවක් සහ වදයක් දුන්න තවත් පිරිසක් මිහිපිට  නැහැ, ඔවුන් මේ වන විට කුසේ ඉන්න දරුවා පවා ණයකාරයන් කර හමාරයි.

ජනාධිපතිවරයා කියනවා අප්‍රේල් මාසෙ වෙන කොට හාල් කිලෝ දහයක් සමෟධි නොමැති පවුල්වලට දෙනවා කියලා, හය හත් දෙනෙක් ඉන්න පවුලකට හාල් කිලෝ 10 ක් වේල් හතරක්, පහක් කන කොට ඉවර වෙනවා. මට පේන විදිහට මේ 225ම බත් කන්නේ නැතුව ඇති, බත් කෑවා නම් එහෙම ප්‍රකාශයක් කරන්නේ නෑ.