(ටී.කේ.ජී.කපිල,යොහාන් භසුර සහ ඉන්දිකා රමානායක)

නීතිවිරෝධී ලෙස රත්තරන් තොගයක් කටුනායක ගුවන් තොටුපළ විශේෂ අමුත්තන්ගේ මැදිරියේ පහසුකම් භාවිතා කරමින් මෙරටට ගෙන ආ පුත්තලම් දිස්ත්‍රික් පාර්ලිමේන්තු මන්ත්‍රී අලි සබ්‍රි රහීම්ගේ ගමන් මලු තවදුරටත් පරීක්ෂා කිරීමේ දී ඒවා තුළ නීතිවිරෝධී ලෙස රැගෙන ආ ස්මාර්ට් වර්ගයේ ජංගම දුරකථන 91ක් ද තිබී රේගු ආදායම් අධීක්ෂණ අංශයේ නිලධාරීන් ෙ සොයා ගත් බව රේගු මාධ්‍ය ප්‍රකාශක , නියෝජ්‍ය රේගු අධ්‍යක්ෂ සුදත්ත සිල්වා මහතා පැවසීය.

ඒ අනුව මෙම පාර්ලිමේන්තු මන්ත්‍රීවරයා නීතිවිරෝධී ලෙස මෙරටට රැගෙන ආ සමස්ථ භාණ්ඩ තොගයේ වටිනාකම රුපියල් හත් කෝටි අසූ දෙලක්ෂයක් බව රේගු මාධ්‍ය ප්‍රකාශකවරයා වැඩිදුරටත් පැවසීය .

මේ වනවිට මෙම මන්ත්‍රීවරයා කොළඹ රේගු මූලස්ථානය වෙත රැගෙන විත් මේ පිළිබඳ වැඩිදුර විමර්ශන කටයුතු ආරම්භ කර තිබේ.

මැදපෙරදිග දිවයිනට පැමිණි පුත්තලම දිසා පාර්ලිමේන්තු මන්ත්‍රී අලි සබ්‍රි රහිම්ගේ ගමන් බෑගය තුළ තිබී රන් කිලෝ තුනකට අධික ප්‍රමාණයක් රේගුව විසින් සොයා ගන්නා ලදි. අනතුරු මන්ත්‍රිවරයා රේගු අත්අඩංගුවට ගෙන වැඩි දුර පරීක්ෂණ කටයුතු ආරම්භ කළේය.