වෙනිසියුලා ජනාධිපතිවරණය පැවැත්වුණු අතර, ජනාධිපති නිකලස් මදුරෝට තෙවැනි වරටත් ජන වරමක් හිමිවිය. 

ඒ, ඊයේ (28) පැවැති ජනාධිපතිවරණයෙන් මදුරෝ සහ ඔහුගේ එක්සත් සමාජවාදී පක්ෂය සියයට 50 කට වඩා වැඩි ඡන්ද ප්‍රතිශතයක් දිනා ගැනීමත් සමඟය.

නිකලස් මදුරෝ යනු, වෙනිසියුලානු අසහාය නායක හියුගෝ චාවේස්ගේ අනුප්‍රාප්තිකයාය. මදුරෝ, මීට වසර 11 කට පෙර, වෙනිසියුලාවේප ජනපති ධුරයට පත්වූයේ චාවේස්ගේ අභාවයෙන් පසු පැවැති ජනාධිපතිවරණයෙනි. 

මදුරෝට අභයෝග කිරීමට විපක්ෂ නායක එඩ්මුන්ඩෝ ගොන්සාලේස් උරුටියා උත්සාහ ගත් නමුත් සියයට 44 ක ඡන්ද ප්‍රතිශතයක් පමණි. විපක්ෂ නායක එඩ්මුන්ඩෝ, ජනාධිපතිවරණයට ඉදිරිපත් වූයේ වෙනිසියුලා විපක්ෂ දේශපාලන කණ්ඩායම් හවුල් කර ගනිමින් පිහිටුවූ සන්ධානයෙනි.

දශක ගණනක් තිස්සේ වෙනිසියුලාව ආර්ථික වශයෙන් අර්බුදයකට මුහුණ පා සිටී. ඇමෙරිකාව ද වෙනිසියුලායට සම්බාධක රැසක් පනවා ඇති අතර, ආර්ථික අර්බුදය උත්සන්න කිරීමට එය හේතුවක් බව පැවැසෙයි.

මේ වනවිට මිලියන 7 කට වැඩි වෙනිසියුලානුවන් පිරිසක් රට හැර ගොස් තිබේ. මෙවර ජනාධිපතිවරණයේදී ඡන්දය ප්‍රකාශ කීරීමට මිලියන 21 ක් ඡන්දය ප්‍රකාශ කිරීමට සුදුසුකම් ලබා සිටියහ.

(ඒ.එෆ්.පී.)