ප්‍රසාද් මුතුකුඩ  
 
 මීගමුව පෞද්ගලික බැංකුවක   ඒටීඑම්  යන්ත්‍ර යේ  තිබූ  බව කියන රුපියල්  ලක්ෂ 40ක්  කිසියම්  පුද්ගලයකු විසින්  සොරකම් කරනු ලැබ ඇති බවට  කරන  ලද පැමිණිල්ලක්  අනුව  පරික්ෂණ ආරම්භ කර ඇති බව මීගමුව පොලීසිය පවසයි.
 
අදාල බැංකුවේ නිළධාරියෙකු විසින් ඒටිඑම් යන්ත්‍රයට මුදල් නැවත පිරවීමට ගිය අවස්ථාවක    යන්ත්‍රෙය් මුදල් අඩුවීමක්  ඇති බව දැනගත් පසු  මේ සම්බන්ධව  පොලීසියටද  දන්වා ඇත .
 
ඒටීඑම්  යන්ත්‍ර යේ  ඉකුත්  30 දින අලුයම  2.47ත් 3.00 අතර  කිසියම්  පුද්ගලයකු  හෝ පිරිසක්    ආරක්ෂිත දොරගුළු  සූක්ෂමව  විවර කර   එහි  කැසට් තුළ බහා තිබු  රුපියල්  පන්දහසේ  මුදල් නෝට්ටු  813 සහ දහසේ නෝට්ටු 712  රැගෙන   පලා ගොස් ඇති බව පැමිණිල්ලේ දැක්වේ.