රිතේෂ් දේශ්මුක් සහ නර්ගීස් ෆක්රි රඟන නවතම හින්දි චිත්‍රපටය වන %Banjo^ හි පූර්ව ප්‍රචාරක පටය මේ වනවිට බොහෝ ප්‍රේක්ෂකයන්ගේ ආකර්ෂණය දිනාගැනීමට සමත්ව ඇති අතර,මෙය පසුගිය නවවැනිදා නිකුත් වන විටම නැරඹූ ප්‍රේක්ෂකයන් සංඛ්‍යාව හැත්තෑ දහසකට අධිකය. කරන් ජොහාර්ගේ ප්‍රචාරණ යාන්ත්‍රණය යටතේ නිකුත් වූ මෙහි අධ්‍යක්ෂවරයාද සුවිශේෂී වන අතර ජාතික සම්මානලාභී මරාති චිත්‍රපට අධ්‍යක්ෂවරයෙකු වන ඔහු නමින් රවී ජාධව්ය.ඔහුගේ කුළුඳුල් බොලිවුඩ් චිත්‍රපට අධ්‍යක්ෂණය වන්නේද මෙයයි.බැන්ජෝ වාදකයෙකු ලෙස රිතේෂ් චරිත නිරූපණය කරන මෙම චිත්‍රපටයේ නර්ගීස් ෆක්රි නිරූපණය කරන්නේ DJ වාදන ශිල්පිනියගේ චරිතයයි. සංගීතමය ශානරයේ චිත්‍රපටයක් වන %බැන්ජෝ^ සැප්තැම්බර් මස 23 වැනිදා නිකුත් වීමට නියමිතයි.

අශාන් පෙරේරා