දරුවන්ගේ ආරක්ෂාව වෙනුවෙන් ලබාදුන් සතියක පාසල් අතුරු නිවාඩුව තවත් සතියකින් දීර්ඝ කිරීමට අධ්යාපන අමාත්යංශය තීරණය කර තිබේ. ඒ අනුව නැවත පාසල් ආරම්භ කිරීමේ දිනය ලෙස ජූලි මස 27 වැනිදා නම්කර ඇති බව අධ්යාපන අමාත්යංශය අද නිවේදනය කළේය.
කෙසේ වෙතත් මේ මස 27 වැනිදායින් ආරම්භ වන සතිය තුළ පාසල් පැමිණිය යුත්තේ මේ වන විට 11, 12 සහ 13 වැනි ශ්රේණිවල ඉගෙනුම ලබන දූ දරුවන් පමණක් බවද අධ්යාපන අමාත්යංශ නිවේදනයේ සඳහන් වේ.
අනිකුත් ශ්රේණි සඳහා පාසල් විවෘත කිරීමට සුදුසු වන්නේ මැතිවරණයෙන් පසුව ඵළඹෙන පළමු සඳුදා දිනය, එනම් අගෝස්තු මස 10 වැනිදා බව සෞඛ්ය සේවා අධ්යක්ෂ ජනරාල්වරයා නිර්දේශ කර තිබේ.
මේ වන විට පවතින තත්ත්වය හේතුවෙන් රාජංගණය සහ වැලිකන්ද අධ්යාපන කොට්ඨාස තුළ පවතින කිසිදු පාසලක් අගෝස්තු මස 10 වැනිදාට පෙර විවෘත නොකෙරෙනු ඇත.
(ඡායාරූප - ගයාන් අමරසේකර)
අධ්යපන අමාත්යංශය විසින් අද (18 වැනිදා) පස්වරුවේදී නිකුත් කරන ලද නිවේදනය පහත දැක්වේ.
COMMENTS
කරුණාකරලා මේ කාලය කුළ සියලුම උපකාරක පන්ති තහනම් කරන්න. නැතිනම් දරුවන් පාසල් නොගොස් උපකාරක පන්තිවලට පමණක් පොර කකා ඉගෙන ගන්න ගියොත්, රජය බලාපොරොත්තු වුණු කොරෝනා මර්ධන අරමුණු ඉටු නොවනු ඇත.
මේ කාලෙ බොහෝ හාමුදුරුවරු බුදු හාමුදුරුවො පවා රවටනවා. දේවාලෙ කපුවෝ දෙවියන් රවටනවා. පාලකයෝ පාලිතයින් රවටනවා. හාමුපුත්තු සේවකයින් රවටනවා. දෙමාපියෝ දරුවන් රවටනවා. කොසොල් රජ්ජුරුවෝ දුටු සිහින දහසය සැබෑවන කාලය තමයි මේ. නැතිබැරි පවුල්වල දරුවන්ගේ පුංචි ඉස්කෝල ටික වහලා ඒ ඉඩකඩම් ටිකක් දේශපාලකයින් අත්පත් කර ගත්තා. ඒ පුංචි එවුන්ට තිබිච්ච ඉස්කෝල වහලා දැම්මා. ඉගෙන ගන්න අවස්ථාව දුන්නේ නැහැ. අම්බලන්ගොඩ කලාප අධ්යාපන කාර්යාලයෙන් පාලනය කළ බෞද්ධ පාසල් 38ක් පසුගිය වසර කිහිපය තුළදී දකුණු පළාත් සභාව විසින් වහලා දැම්මා. අම්බලන්ගොඩ නගර සභාවේ උපසභාපති අම්බලන්ගොඩ ධම්මකුසල විද්යාලයේ ගොඩනැගිල්ලක් අනවසරයෙන් කඩාගෙන ගිය බව සාක්ෂි සහිතවම සනාථ වෙලා තියෙද්දිත් ස්වාධීනයි කියන පොලිස් කොමිෂන් සභාවත් ඒක වහනවා. දැන් ඉතිං නැතිබැරි කෙනාගේ ඉස්කෝලේ විතරක් නොවෙයි, ඇති හැකි කෙනාගේත් ඉස්කෝල වහලා දැම්මා. මේක තමයි ස්වභාව ධර්මය. තව දඬුවම් දීලා ඉවර නැහැ. දැන්වත් යථාර්තය වටහාගෙන සාධාරණව ජීවත් වෙන්න කල්පනා කරනවා නම් හොඳයි. ඒත් තිතෙන පවට එහෙම වෙන්නේ නැහැ.
නරකද මෙම නිවාඩුව මැතිවරණ ප්රචාරක කටයුතු තහනම් කරන දින දක්වාම දීර්ඝ කළොත්. එහෙම කලොත් දේශපාලන අයිතිවාසිකම් අහිමි අධ්යාපන පරිපාලන සේවයේ සිටින විදුහල්පතිලාටත් ගුරුන් වැඩිපිරිසක් පවතින රජයේ ක්රියාකාරී සාමාජිකයින් නිසා එවැනි ගුරුවරුන්ටත් ඡන්ද ප්රචාරක වැඩට නිවෙස්වලට යන්න පුළුවනි. රැස්වීම් අමතන්නත් පුළුවන්...