අම්බලන්ගොඩ අකුරල දී ලොරියක් අධිබල විදුලි කණුවක ගැටීමෙන් රියදුරු සහායක තුවාල ලබා බලපිටිය මූලික රෝහලට ඇතුළත් කර ඇති බව අම්බලන්ගොඩ පොලිසිය කියයි.

මන්නාරම ඉලුප්පකඩවායි හි වාහනයක් පරික්ෂා කරමින් සිටිය දී  පිටුපසින් පැමිණි වෑන් රථයක් ගැටීමෙන් 15 දා පොලිස් නිලධාරියෙකු ඇතුලු පුද්ගලයෙකු මිය ගොස් තවත් පොලිස් නිලධාරියෙකු බරපතල තුවාල ලබා ඇති බවට ඉලුප්පකඩවායි පොලීසිය කියයි.

බම්බලපිටිය දුම්රිය ස්ථානය ඉදිරිපිට මුහුදු තීරයේ නාඳුනන මළ සිරුරක් පාවෙමින් ඇතැයි පොලිසිය කියයි.

ඡායාරූප - ජයමාල් චන්ද්‍රසිරි

මහනුවර පූජා භූමියේදී ඇත් ගොවුවන්ට කේරල ගංජා විකිණූ මහනුවර මහනගර සභාවේ අනියම් සේවකයින් දෙදෙනෙක් මධ්‍යම පළාත් නියෝජ්‍ය පොලිස්පති කාර්යාලයේ  දිසා දූෂණ මර්දන අංශය මගින් අද (15) අත් අඩංගුවට ගනු ලැබූහ.

දිඹුලාගල පේරලන්ද කැලෑවට දර සෙවීමට ගිය ගොවියෙක් (60) වල් අලි ප්‍රහාරයකින් මරුමුවට පත්විය.

එම ගමේ මෑතදී අලි ප්‍රහාරයකින් මිය ගිය සිව්වැනි පුද්ගලයා ඔහුය.

බිබිලේ ඉලුක්පතනේ රබර් වත්තක ගින්නකට හසු වී පුද්ගලයකු මිය ගිය බව පොලිසිය කියයි

අද ඉපදුණු බවට සැක කෙරෙන බිළිදු මළ සිරුරුක් හුංගම පොලිස් වසමේ රන්න, ගෝඨයිම්බරගම ගෙවත්තක තිබී හමු වූ බව හුංගම පොලීසිය පවසයි.