තරිඳු ජයවර්ධන

ශ්‍රී ලංකා පාර්ලිමේන්තුවේ මීළඟ සැසිවාරය ලබන 14 වැනි දා කැඳවන බව සඳහන් අති විශේෂ ගැසට් පත්‍රය අද සවස නිකුත් විය.

ජනාධිපති මෛත්‍රීපාල සිරිසේන මහතා විසින් පාර්ලිමේන්තුව කල් තබනු ලැබුවේ පසුගිය 27 වැනි සෙනසුරාදා ය. පාර්ලිමේන්තු සැසිය කල් තබන ලද ගැසට්ටුවේ සඳහන් වූයේ අලුත් සැසිය ‍නොවැම්බර් 16 වැනි දා කැඳවන බවයි.

පාර්ලිමේන්තු සැසිය කල් තැබීමෙන් පසු ඊට බොහෝ දෙනකුගේ විරෝධය එල්ල විය.  

කෙසේ වෙතත් අද ජනාධිපතිවරයාගේ නියමය පරිදි ජනාධිපති ලේකම් උදය ආර් සෙනවිරත්න මහතා විසින් නිකුත් කරන ලද අති විශේෂ ගැසට් පත්‍රයේ සඳහන් වන්නේ 14 වැනි දා පෙරවරු 10ට පාර්ලිමේන්තුව කැඳවන බවයි.