(සුජිත් හේවාජුලිගේ සහ නිමන්ති රණසිංහ)

පාතාලය මර්දනය කිරීම සඳහා අද සිට විශේෂ මෙහෙයුමක් අරඹන බව මහජන ආරක්ෂක අමාත්‍ය ටිරාන් අලස් මහතා පවසයි.

අමාත්‍යවරයා මෙම තීරණය ගෙන ඇත්තේ පොලිස්පතිවරයා ඇතුළු ජ්‍යෙෂ්ඨ පොලිස් ප්‍රධානීන් සමග පැවති සාකච්ඡාවකදීය.

දිවයින පුරා පාතාල ලෝකයේ ක්‍රියාකාරකම් වැඩි වීම සැලකිල්ලට ගෙන අමාත්‍යවරයා මේ තීරණය ගෙන ඇත.

පාතාලයට සම්බන්ධ මිනීමැරුම් කිහිපයක්ද දිවයිනේ විවිධ ප්‍රදේශවලින් පසුගිය දිනවල වාර්තාවිය.

ඉන්ධන පිරවුම්හල් ආශ්‍රිතවද පාතාල ලෝකයේ ක්‍රියාකාරකම් පසුගිය දිනවල තදින්ම ඉස්මතුව තිබිණ.