(රෝෂන් තුෂාර)

බත්තරමුල්ල අකුරේගොඩ හමුදා මූලස්ථානය අසල සුපිරි වෙළෙඳසලක රථ ගාලක් තුළ නීතිඥවරයකු සහ ඔහුගේ බිරිඳ වෙඩි තබා ඝාතනය කිරීමේ සිද්ධියට විරෝධය පළ කරමින් හෙට දිනය තුළ වෘත්තිය කටයුතුවලින් බැහැරව සිටීමට ශ්‍රී ලංකා නීතිඥ සංගමය ඒකමතිකව තීරණය කළේය.

ශ්‍රී ලංකා නීතිඥ සංගමය අද (15) පස්වරු 3.00ට කැඳවන ලැබූ එම සංගමයේ හදිසි රැස්වීමේදී මෙම තීරණයට එළඹිණි සංගමයේ සභාපති නීතිඥ රජීව් අමරසූරිය මහතාගේ ප්‍රධානත්වයෙන් මෙම රැස්වීම නීතීඥ සංගම් ශ්‍රවණාගාරයේදී පැවැත්විණි.