(අංජුල මහික වීරරත්න)

ආවාට ගියාට සාම විනිසුරු පත්වීම් දෙන්නේ නැතැයි අධිකරණ සහ බන්ධනාගාර කටයුතු අමාත්‍ය ආචාර්ය විජයදාස රාජපක්ෂ මහතා පැවසීය.

පොලිසිය, ග්‍රාම සේවක මෙන්ම ආගමික නායකයන්ගෙන් විස්තර ලබාගෙන අදාල පත්වීම් ලබාදෙන බව කී අධිකරණ අමාත්‍යවරයා එලෙස පත්වීම් දෙන අයගෙන් රාජකාරී අකුරටම ඉටු කිරීම බලාපොරොත්තු වන බව සඳහන් කළේය.

පසුගිය කාලයේ අනවශ්‍ය පුද්ගලයින්ටත් සාම විනිසුරු පත්වීම් ලබා දී තිබූ බව කී අධිකරණ අමාත්‍යවරයා එවැනි පුද්ගලයන් කිහිප දෙනෙකුගේ පත්වීම් අහෝසි කළ බව සඳහන් කළේය.

සමාජ ක්‍රියාකාරීන් සහ දහම් පාසල් ගුරුවරුන් පිරිසක් වෙත සාමදාන විනිශ්චකාර පත්වීම් ලිපි ප්‍රදානය කිරීමේ වැඩසටහනකට සහභාගී වෙමින් විජයදාස රාජපක්ෂ මහතා මේ බව සඳහන් කළේය.