අල්ලස් හෝ දූෂණ විමර්ශන කොමිසමේ නියෝග අනුව කටයුතු නොකිරීමෙන් පාර්ලිමේන්තු මන්ත‍්‍රී නාමල් රාජපක්ෂ එම කොමිසමට අපහාසයක් සිදු කර ඇති බවට පැමිණිලි කරමින් ගොනු කර ඇති පෙත්සම නීතියට පටහැනි බවට නාමල් රාජපක්ෂ ඉදිරිපත් කළ මූලික විරෝධතාවය සම්බන්ධයෙන් අගෝස්තු 29 වැනිදා හෝ ඊට පෙර ලිඛිත දේශන ගොනු කරන ලෙස ශ්‍රේෂ්ඨාධිකරණය එහි පාර්ශවකරුවන්ට නියෝග කළේය.

නාමල් රාජපක්ෂ මහතා වෙනුවෙන් මෙම මූලික විරෝධතාවය ඉදිරිපත් කරනු ලැබුවේ ජනාධිපති නීතීඥ ගාමිණී මාරපන මහතා විසිනි.

අගවිනිසුරු කේ.ශ්‍රී පවන් , ප‍්‍රියසාත් ඩෙප් , බුවනෙක අළුවිහාරේ යන ශ්‍රේෂ්ඨාධිකරණ විනිසුරු මඩුල්ල ඉදිරියෙහි මෙම පෙත්සම කැඳවිණි.