(ටී.කේ.ජී.කපිල )
 
                   
නීතිවිරෝධී ලෙස ඕස්ට්‍රේලියාවට සහ ස්විට්සර්ලන්තයට ගොස් සිටි ශ්‍රී ලාංකිකයන් 26 දෙනෙකු , එම රටවලින් පිටුවහල් කර අද (14)  යළිත් ආපසු ශ්‍රී ලංකාවට එවා තිබුණි.
 
මෙයින් ලාංකිකයන්  15 දෙනෙකු ඕස්ට්‍රේලියාවේ සිට  ද තවත් ලාංකිකයන් 11 දෙනෙකු ස්විට්සර්ලන්තයේ සිට ද  එම රටවලට අදාළ විශේෂ ගුවන් යානාවලින් කටුනායක ගුවන් තොටුපොළ වෙත එවා තිබේ.
 
                   
මෙම පිරිස සමඟ එම රටවලට අයත් විශාල ආරක්ෂක භට පිරිසක් ද එම ගුවන් යානාවල පැමිණ සිටියහ.
 
                 
මේ අතර සිංහල මෙන්ම ද්‍රවිඩ ජාතිකයන් ද සිටින බව ආගමන විගමන දෙපාර්තමේන්තු ප්‍රකාශකවරයෙක් පැවසීය .
 
           
මොවුන් ගෙන් අපරාධ පරීක්ෂණ දෙපාර්තමේන්තු නිලධාරීන් ප්‍රකාශ සටහන් කර ගැනීමෙන් පසු නිදහස් කර හැරීමට නියමිත බව කටුනායක ගුවන් තොටුපොළ ආරංචි මාර්ග පවසයි.