දළුක් ඔයේ ගසාගෙන යාමෙන් 4 ක් මරුට අයෙක් අතුරුදන්

ළඟදී මෙච්චර දෙයක් වෙලා තියෙද්දීත් ඇයි මිනිස්සු මෙච්චර මෝඩ. කොහේ හරි වතුර දැක්කොත් අපේ මිනිස්සු ඒකට පැනල නාන්නමයි හදන්නේ.. ඒකෙ තියන භයානක කම හිතන්නේ නැතුව. බලධාරීන් මේ සම්බන්ධයෙන් තීන්දු තීරණ ගැනීමේ කාලය ඇවිල්ල තියෙන්නේ...

මාධ්‍යය මගින් කොපමණ රටේ මිනිසුන්ව දැනුවත් කළත් වැඩක් නැහැ. පත්තරවලින්, රූපවාහිනියෙන් කොතරම් නම් දැනුවත් කලත් මිනිසුන්ට ගානක් නැහැ. ජන්මයට වඩා පුරුද්ද ලොකුයි කියනවනේ...

තුෂා හරි .. මේ රටේ මිනිස්සු පත්තර, රූපවාහිනී මගින් ඉගන ගන්නේ නැත.. හරි හෝ වැරදි දේ පුරුද්දට වගේ කරති.. නිල් නැත්නම් කොළ ......කොළ නැත්නම් නිල්...

ඔන්න ඕකට තමයි කියන්නේ කේන්දරේ අට වෙනි ස්ථානයේ චන්ද්‍රයා ඉන්න අය කොච්චර කිව්වත් අහන්නේ නැහැ. වතුරෙන් මරණය සොයාගෙන යනවා කියලා. මේ අය ගැනත් පරීක්ෂණයක් කරලා බැලුවොත් එහෙම තියෙන අය බව සමහරවිට පෙනේවි..

කොහොම කොහේ හිටියත් කර්මය අනුව විපාක ලැබෙනවා. මේ වගේ රටක ඉන්න ලැබුණට නියම පල ලබන්න ශක්තිය අඩු වෙලා. සුවපත් වේවා !!!

ශ්‍රී ලංකාව වටේම සාගර ජලය, රට ඇතුලේ වටේටමත් මිරිදිය වලින් සපිරි ගංගා ඇළ දොළ වැව් අමුණු සාගර වන් ජලාශ උතුර උතුරා වාන් දමනවා. අපේ රට ඒ අතින් හරිම වාසනා වන්තයි . නමුත් ලංකාවේ පිහිනීමට ඇති හැකියාවේ ප්‍රතිශතය අවම මට්ටමක පවතින බව දැනෙන්නේ එදිනෙදා මාධ්‍ය හරහා ලැබෙන පුවත් මගින්. මේ තත්වය නම් හොඳ ප්‍රවන තාවක් නොවේ. දියේ ගිලී මිය යන යව්වන ප්‍රතිශතය ඉහල අගයක් ගන්නා බව පෙනේ. පාසල් පද්ධතියේ අනිවාර්ය විෂයක් ලෙස පිහිනීම් ක්‍රීඩාව හඳුන්වා දී එය සාර්ථකව ගැහැණු පිරිමි ශිෂ්‍ය ප්‍රජාව අතර ප්‍රචලිත කරවීමට අවශ්‍ය ක්‍රියා මාර්ග ගැනීමේ කාර්ය අධ්‍යාපන බල ධාරීන් වෙත පැවරීමට සුදුසුම කාලය උදාවී ඇති බව කිව මනාය.

මිනිස්සු කොයි ආකාරයෙන්වත් දැනුවත් කරන්නට බැරි නිසා තමයි රටට හේනේ වැදිලා තියෙන්නේ...මොනවා කරන්නද රටේ අවාසනාව...

නුතන තරුණ තරුණියන් බොහොම දෙනෙක් නිදහස අයුතු ලෙස පාවිච්චි කිරීමේ ප්‍රතිපලයක් තමයි මේ. අපේ තරුණ කාලේ ගැහැණු ළමයිනට ඔය වගේ තරුණ කණ්ඩායම් එකතු වෙලා විනෝද ගමන් යන්න දෙමවුපියන් ඉඩ දුන්නේ නැහැ. ගැහැණු ළමයි පිරිමි ඉදිරියේ දිය රෙද්දක්වත් ඇඳගෙන නානවා තියා ඉස්සරහට එන්නෙත් නැහැ. ඒක ඒකාලේ මේක මේ කාලේ කියල අපහාසයෙන් බලන මේ කාලේ මෙවැනි මරණ දකින කොට හිතෙන්නේ නැද්ද ඒකාලේ අපේ සංස්කෘතිය මොනතරම් වටිනවද කියල. එහෙම වුනානම් මෙහෙම වෙයිද?

මේකට තවත් හේතුවක් වෙන්නේ කට්ටියක් එකතුවෙලා විනෝද සවාරි ගියාම වතුරට බහින්න භය ඈයොත් බලෙන්ම අදලගන්නවා නාන්න. ඉතින් පීනන්න බැරි අය කරවටක් ගැඹුරු වතුරේ උනත් බයටම වැටිලා ගිලෙන්න පුළුවන්. මාත් ඉස්කෝලේ ට්‍රිප් එකකදී යාලුවෝ එකතුවෙලා මුහුදට ඇදල දාල තියෙනවා.

සොබා දහමට නොගැලෙපන විට අපව අසරණ කරන දඩුවම් ලැබේ.

මේකත් සසර සැඩපහර වගේ තමයි. බුදුහාමුදුරුවෝ කොයිතරම් එහි භයානක බව කිව්වත් ඒකටම පැනල වැනසෙනවා.

මම නම් කියන්නේ මේ මැරෙන වුන් විහින් ම තමා මේ දේ කරගන්නේ . ඒ නිසා මේවා ගැන එච්චර එලවන්න ඕන නෑ. පත්තර , රුපවාහිනිවල කොච්චර මේ වගේ සිද්දීන් දැම්මත් පාඩමක් ඉගෙනගන්නැති එවුන් මැරුණට දුක් වෙන්නේ මෝඩයින් පමණයි.

වතුරට බැසීමට ප්‍රථම ජිවිත ආරක්ෂක කබා පැළඳීම අනිවාර්ය කිරීමෙන්, මෙවන් ජිවිත හානි යම්තාක් දුරකට පාලනය කර ගත හැකි වනු ඇත.

සැලකිලිමත් සහ වගකීමකින් යුතු ජීවන රටාවක අධ්‍යාපනයක්, අපේ රටට අනිවාර්යෙන්ම අවශ්‍යයි.

සැලකිලිමත් සහ වගකීමකින් යුතු ජීවන රටාවක අධ්‍යාපනයක්, අපේ රටට අනිවාර්යයෙන්ම අවශ්‍යයි.