දිවයිනේ නමගිය අපරාධ කණ්ඩායමක තිදෙනෙක් දඹුල්ල පොලිසිය විසින් දඹුල්ලේ දී අද (03) අත්අඩංගුවට ගනු ලැබූහ. ගිනි අවි හා බෝම්බ විකිණී යැයි චෝදනා ලැබ උසාවි ඇප මත සිටි හමුදා ලුතිනන්වරයකු ද මේ අතර සිටින බව පොලිසිය කියයි. අනෙක් දෙදෙනා අපරාධ රැසකට හවුල්කරුවන් බවත් අවුරුදු 21ක සිරදඬුවම් නියමව සිට සිරේන් පැන ආ අයකු ද ඒ අතර සිටින බවත් පොලිසිය පවසයි. රුපියල් ලක්ෂ නවයක රන් බඩු හා ගිනි අවියක් ද උණ්ඩ 15ක් ද පොලිසිය සොයාගෙන තිබේ. මොවුහු ගල්කිස්ස, සපුගස්කන්ද හා දඹූල්ලේ පදිංචිකරුවෝ වෙති.