අප්‍රේල් මස 14 වැනි දා පෙරවරු 1.29 ‘විජය‘ නම් සිංහල හින්දු අලුත් අවුරුද්ද උදාවෙයි.

අවුරුදු සිරිත් විරිත්වල සිංහල සහ දෙමළ සංස්කෘතීන් අතර සුළු සුළු වෙනස්කම් දැකිය හැකිය.

ද්‍රවිඩ චාරිත්‍ර අනුව අළුත් අවුරුද්ද උදාවීමට පෙර පැය හතරක් සහ උදාවූවාට පසුව පැය හතරක් ‘විෂු‘ කාලය ලෙස හැඳින්වේ.

මේ විෂු කාලය තුළ දෙමළ වැසියෝ හිසතෙල් ගෑම, දිය නෑම, සිදු කරති.

මේ වසරේ අලුත් අවුරුදු උදාව මධ්‍යම රාත්‍රියේ සිදු වන නිසා 14 වැනිදා හිරු උදාවීමත් සමග දිය නෑමෙන් පසු හිරු දෙවියාට පොංගල් සාදා නමස්කර කිරීම සිදු කරයි.

විෂු කාලයේ කහ, නිල් පැහැති පට්ටු රෙහි ඇඳ නිල් ගල් පැළඳ කෝවිලට ගොස් දේවාශිර්වාද පුජා පවත්වති.

දෙමළ චාරිත්‍ර අනුව අලුත් අවුරුද්දේ ඥාති මිත්‍රාදීන්ගේ නිවෙස්වලට ගොස් සංග්‍රහවලට සහභාගීවීමට ඇත්තේ අප්‍රේල් 15 වැනිදා උදේ 9.14න් පසුය.