දම්සෝ සිසුවිය ලෝක චෙස් තරගෙට

තායිලන්තයේ  ෆිඩේ ලෝක පාසල් චෙස් තරගාවලිය හා සිංගප්පූරුවේ  11 වැනි ආසියා පාසල් චෙස් තරගාවලියට සුදුසුකම් ලැබීමට අම්බලන්ගොඩ ධර්මාශෝක විද්‍යාලයයේ අට වැනි ශ්‍රේණියේ  විනුමි විදාරා ජසෙන්තුලියන සිසුවිය සමත්වූවාය.

2012  දී ආසියාවේ රැෆිඩ් චෙස් තරගාවලියේ අවුරුදු 10න් පහළ නිල ක්‍රීඩිකාව ලෙස ද ඇය ශ්‍රී ලංකාව නියෝජනය කළාය. 2013 වසරේ නව වැනි ආසියා පාසල් චෙස් තරගාවලියේ දී ස්ටෑන්ඩඩ් හා බ්ලිට්ස් අංශ දෙකෙන් ආසියාවේ මුල් විශිෂ්ටයන් දස දෙනා අතරට ඒමට ද ඇය සමත් වුවාය.

2013 දී එක්සත් අරාබි එමීර්  දී පැවති ලෝක චෙස් තරගාවලියේ  විදාරාට 27 වැනි ස්ථානය හිමිවිය. ධර්මාශෝක විද්‍යාලය නියෝජනය කරමින් සමස්ත ලංකා මට්ටමේ චෙස් තරගාවලි රැසක ජයග්‍රහණ ලැබූ ඇය දක්ෂ මලල ක්‍රීඩිකාවකි. බාලදක්ෂිකාවක ලෙස ද කටයුතු කරන ඇය පියානෝ වාදනයෙන් දස්කම් දක්වන්නියකි.