(තරංග ගුණරත්න)

දින කීපයක් තිස්සේ ඇදහැලෙන වර්ෂාපතනය සහ පස් කඳු කඩා වැටීමි හේතුවෙන් දරුවන්ගේ ආරක්ෂාව වෙනුවෙන්   දෙනියාය කලාපයේ පාසල්  සදහා  අද 23 දින   පාසල් නිවාඩු ලබා දීමට  පියවර ගත් බව කලාප අධ්‍යාපන අධ්‍යක්ෂිකා  ධම්මිකා ප්‍රියදර්ශනී මහත්මිය  පැවැසුවාය.

පවතින  අයහපත් කාලගුණික තත්ත්වය පදනම් කරගෙන දෙනියාය කලාපයේ  සියලුම පාසල් අද (23 ) නිවාඩු ලබා දීමට පියවර ගත් බවත්  එ යටතේ  පාසල්  හැත්තෑ හතක් (77 ) අද දින  වසා තැබීමට  පියවර ගෙන තිබේ .

මෙම තීරණය අද උදෑසන ගත් බවත් එහිදි  පාසල් වෙත පැමිණි දරුවන් ආරක්ෂිතව රඳවා ගැනීමටත් එසේ නොමැති නම් එම දරුවන් ආරක්ෂිතව නිවාස වෙත යොමු කිරීමටත් අවශ්‍ය කටයුතු සිදු කරන ලෙසට අදාල විදුහල්පතිවරුන් වෙත උපදෙස් ලබා දුන් බවත්   කෙසේ නමුත්  ඉදිරි දින කිහිපය පාසල් පැවැත්වීම පිළිබඳව  පසුව දැනුම්දෙන බවද කලාප අධ්‍යාපන අධ්‍යක්ෂිකා  ධම්මිකා ප්‍රියදර්ශනී මහත්මිය කිවාය.