(නිමන්ති රණසිංහ  සහ ටෝනි කරුනානායක)

කොරෝනා වයිරසය ආසාදිත වීමෙන් තවත් හෙදියක් ඊයේ (27) ජීවිතක්ෂයට පත්වූවාය.

කොරෝනා ආසාදිත ව මරණයට පත්වූ සිව්වැනි හෙදිය වන්නේ ද ඇයයි.

මෙසේ මරණයට පත්වී ඇත්තේ, මිනුවන්ගොඩ මූලික රෝහලේ හෙද පාලිකා ඉන්දු අමරසිංහ මහත්මියය. දෙදරු මවක් වන ඇය, මියයන විට 56 වැනි වියේ පසුවූවාය.

මිනුවන්ගොඩ මූලික රෝහලේ වාට්ටු අංක 2 භාරව කටයුතු කළ අමරසිංහ මහත්මිය, එම රෝහල කොවිඩ් ආසාදිත රෝගීන් වෙනුවෙන් ප්‍රතිකාර කරන රෝහලක් බවට පරිවර්ථනය කළ දා සිට රෝහලේ සියල්ලන්ගේම ප්‍රශංසාවට පාත්‍රවූ හෙද නිලධාරිනියක ලෙසින් කටයුතු කළ බව එම රෝහලේ ප්‍රකාශකයෙක් පැවසීය.

ඇයගේ දේහය පිළිබද අවසන් කටයුතු නිරෝධායන නිති රෙගුලාසිවලට අනුව මිනුවන්ගොඩ දී ඊයේ (27) සවස සිදු කෙරිණී.