(ඩයනා උදයංගනී)
          
තමන් ඛනිජ තෙල් සම්පත් සංවර්ධන අමාත්‍යාංශයට ඉකුත් 28 වැනි දා ගිය අවස්ථාවේ ඇතිවූ සිද්ධියට වගකිව යුතු කිසිවෙක් මෙතෙක් අත්අඩංගුවට ගෙන නොමැති බව හිටපු ඛනිජ තෙල් සම්පත් සංවර්ධන අමාත්‍ය අර්ජුන රණතුංග මහතා පැවසීය.
 
එදින ඇතිවූ සිද්ධියේදී තමා හෝ තමන්ගේ ආරක්‍ෂකයින් ගැටුමක් ඇතිකර නොගත් බවත්, ගැටුමක් ඇතිකලේ නාගරික මන්ත‍්‍රීවරයෙක් ඇතුළු තෙල් සංස්ථා භූමියට පිටතින් පැමිණි පිරිසක් බවත් සිද්ධිය දැක්වෙන සී.සී.ටී.වී කැමරා දර්ශන පරීක්‍ෂා කිරීමේදී හොඳින් පැහැදිලි වන බව ද හිටපු ඇමැතිවරයා සදහන් කළේය.
 
තමන් අද ජීවත්ව සිටින්නේ තමන්ගේ ආරක්‍ෂක නිලධාරියා නිසා බව කී ඇමතිවරයා තමා නිදහසේ සිටියදී ඔහු සිරගතව සිටීම ගැන මෙන්ම සිද්ධියට වගකිව යුතු කිසිවෙක් සම්බන්ධයෙන් නීතිය ක‍්‍රියාත්මක නොවීම ගැන කණගාටු වන බව ද කීවේය.
          
මෙම සී.සී.ටී.වී කැමරා දර්ශන මාධ්‍ය වෙත මුදාහැරීමට තමන් තීරණය කළේ ඉන්පසු හෝ තමාට සාධාරණයක් වනු ඇතැයි යන අපේක්‍ෂාවෙන් බව ද හිටපු ඇමතිවරයා පැවසුවේ කොළඹ දී අද (8) පැවති මාධ්‍ය හමුවක් අමතමිනි.

වීඩියෝ දසුන් නැරඹීමට පිවිසෙන්න

https://youtu.be/LGZQmifUEd8