හර්ෂණ තුෂාර සිල්වා
 
ශ්‍රී ලංකා ඉතිහාසයේ පළමු වරට රුපියලට සාපේක්ෂව අද (17) ඇමෙරිකා එක්සත් ජනපද ඩොලරයේ අගය 165 ඉක්මවා ගියේය.
 
ශ්‍රී ලංකා මහ බැංකුව දෛනිකව නිකුත්් කරන විනිමය අනුපාතික අනුව අද (17) රුපියලට සාපේක්ෂව එක්සත් ජනපදයේ ඩොලරයේ විකුණුම් මිල 165.14ක් ලෙසත් ගැනුම් මිල 161.81 ලෙසත් සටහන්ව තිබිණි. 
 
ඒ අනුව රුපියලේ අගය මෙතරම් පහළ වැටුණු පළමු අවස්ථාව එය වූ අතර ශ්‍රී ලංකා මහ බැංකු දත්තවලට අනුව මේ වසරේ ජනවාරි 1 වැනිදා සිට සැප්තැම්බර් 14 වැනිදා දක්වා කාලයේදී එක්සත් ජනපද ඩොලරයට සාපේක්ෂව ශ්‍රී ලංකා රුපියල සියයට 6.1කින් අවප‍්‍රමාණය වී තිබේ. 
 
 බලපත‍්‍ර ලාභී වාණිජ බැංකු අද (17) නිකුත් කළ විනිමය අනුපාතිකවලට අනුව බැංකු කිහිපයකම රුපියලට සාපේක්ෂව ඩොලරයේ විකුණුම් මිල 166ඉක්මවා තිබිණි. 
 
රුපියලට සාපේක්ෂව ඩොලරයේ විකුණුම් මිල කොමර්ෂල් බැංකුවේ 166.90ක් ලෙසත් මහජන බැංකුවේ 166.71ක් ලෙසත් ලංකා බැංකුවේ 166.55ක් ලෙසත් සම්පත් බැංකුවේ 166.30ක් ලෙසත් සටහන්ව තිබිණි. එන්.ඞී.බී. සහ එන්.එස්.බී බැංකුවල රුපියලට සාපේක්ෂව ඩොලරයේ විකුණුම් මිල පිළිවෙළින් 165.50ක් ලෙසත් 165.21ක් ලෙසත් සටහන්ව තිබිණි.
 
රුපියලට සාපේක්ෂව ඩොලරයේ විකුණුම් මිලඑච්.එස්.බී.සී. බැංකුවේ 168.25ක් ලෙස සටහන්ව තිබිණි. 
 
දේශීය වාණිජ බැංකු වුවමනාව ඉක්වමින් එක්සත් ජනපද ඩොලර් එක්රැුස් කිරීම නිසා පසුගිය දිනවල රුපියලේ අගය අනවශ්‍ය පරිදි අඩු වැඩි වූ බව ශ්‍රී ලංකා මහ බැංකුවේ ජ්‍යෙෂ්ඨ නියෝජ්‍ය අධිපති ආචාර්ය නන්දලාල් වීරසිංහ මහතා ‘ලංකදීප’යට ඉකුත් දා පැවැසීය.