ඇමෙරිකා ටෙක්සාස්හි උතුරු මැකෝහි පොහොර කම්හලක පිපිරුමෙන් අඉුම වශයෙන් 5-15 අතර පිරිසක් මියගොස් ඇතැයි විශ්වාස කරරෙන බව ටෙක්සාස් හදිසි ආපදා කළමනාකරණ මධ්‍යස්ථානය මීට ටික වේලාවකට කලින් පැවසීය.

පස් දෙනකු ස්ථිර වශයෙන්ම මිය ගිය බවට හඳුනාගෙන ඇති අතර ඉන් තිදෙනෙක් ගිනි නිවන හමුදා භටයන් බවත් පැවසේ.

පිපිරුමේ ශබ්දය ටෙක්සාස් සිට සැතපුම් 65ක් පමණ දුරට ඇසී ඇති බවටත්, නගරය තවමත් අවදානම් තත්ත්වයෙන් මිදී නැති බවත් බලධාරීහු පවසති.

ගෙවල් හා ගොඩනැගිලි දුසිම් ගණනින් වැනසී ගිය මේ අනතුරේදී 160 දෙනකුට වැඩි පිරිසක් තුවාල ලදහ.

නගරයේ 2700ක් වූ ජනගහනයෙන් අඩක්ම ඉවත් කළ බවත්, මළවුන්ගේ සංඛ්‍යාව වැඩි විය හැකි බවත්, සහන සේවකයෝ කියති.

මෙය අනතුරකින් සිදුවූ ගින්නක් හැර අන් දෙයක් නොවෙතියි හදිසි සේවා නිලධරයෝ කියති.

ඇමෝනියා ටොන් විස්සක් පමණ ගබඩා කර තිබිණි.

ගින්නට හේතුව ද ඇමෝනියා බව කියති.